ခွေးဟောင်သံကိုဘာသာပြန်ပေးမည့်လည်ပတ် တောင်ကိုရီးယားတီထွင်
ဆိုး၊ နည်းပညာ
တောင်ကိုရီးယားနိုင်ငံမှ တက်သစ်စနည်းပညာကုမ္ပဏီတစ်ခုက ခွေးဟောင်သံကိုဘာသာပြန်ပေးမည့် ခွေးလည်ပတ် တစ်မျိုးကို တီထွင်ဖန်တီးလိုက်ကြောင်းသိရသည်။အဆိုပါခွေးလည်ပတ်သည် အသံမှတ်သားမှုနည်းပညာကိုအသုံးပြုခြင်းဖြင့် ခွေးဟောင်သံများကိုစောင့်ကြည့်ပြီး ထိုခွေးများ၏စိတ်ခံစားမှုအခြေအနေငါးမျိုးကို သိရှိနိုင်သည်။
ဏနအစကူျ ကုမ္ပဏီထုတ် အဆိုပါလည်ပတ်သည် ခွေး၏စိတ်ခံစားမှုအခြေအနေများဖြစ်သော ပျော်ရွှင်မှု၊ အပန်းဖြေမှု၊ စိုးရိမ်ပူပန်မှု၊ စိတ်ဆိုးမှုနှင့် ဝမ်းနည်းမှုတို့ကို စမတ်ဖုန်းမှတစ်ဆင့် ခွေးပိုင်ရှင်ထံသို့ အသိပေးမည်ဖြစ်သည်။ ထို့ပြင် ခွေး၏လှုပ်ရှားမှုများကိုလည်းစောင့်ကြည့်နိုင်ကြောင်း သိရသည်။
အဆိုပါကုမ္ပဏီသည် ၂၀၁၇ ခုနှစ်မှစ၍ ခွေးဟောင်သံများကို သုတေသနပြုလေ့လာမှုများနှင့်အတူ အချက်အလက် များစုဆောင်းခဲ့ခြင်းဖြစ်သည်။သုံးနှစ်ကြာပြီးချိန်တွင် ကုမ္ပဏီအနေဖြင့် ခွေးအမျိုးအစားပေါင်း ၅၀ ကျော်မှ ခွေးဟောင်သံနမူနာပေါင်း ၁၀၀၀၀ ကျော်ဖြင့် ဒေတာဘေ့(စ်)တစ်ခုဆောက်နိုင်ခဲ့ခြင်းဖြစ်သည်။
အဆိုပါလည်ပတ်သည် ခွေးများ၏စိတ်ခံစားမှုအခြေအနေများကို မှတ်သားသိရှိနိုင်မှုမှာ ၉၀ ရာခိုင်နှုန်းအထိ တိကျမှု ရှိကြောင်း ဆိုးအမျိုးသားတက္ကသိုလ်ကပြောထားကြောင်း သိရသည်။