လန်ဒန်၊ ကျန်းမာရေး
ဗြိတိန်ဆေးဝါးကွပ်ကဲရေးတာဝန်ရှိသူ များသည် မိုဒါနာကုမ္ပဏီထုတ် ကိုဗစ်-၁၉ ရောဂါကာကွယ်ဆေးကို နိုင်ငံအတွင်း အရေးပေါ်အသုံးပြုခွင့်ပေးကြောင်းနှင့် ထိုကာကွယ်ဆေးသည် နိုင်ငံအတွင်းတတိယ မြောက်အတည်ပြုခွင့်ရသည့် ကာကွယ်ဆေးဖြစ်လာကြောင်းသိရသည်။
ဆေးဝါးကွပ်ကဲရေး တာဝန်ရှိသူများသည် ဖိုင်ဇာနှင့် ဘိုင်အိုအန်တက်ကုမ္ပဏီတို့ ပူးတွဲထုတ်လုပ်သော ကိုဗစ်-၁၉ ရောဂါ ကာကွယ်ဆေးကို အတည်ပြုပြီးနောက် ဒီဇင်ဘာလတွင် အက်စထရာဇီနီကာနှင့် အောက်စဖို့တက္ကသိုလ်တို့ ပူးတွဲဖော်စပ်ထား သော ကာကွယ်ဆေးကိုထပ်မံအတည်ပြုခဲ့သည်။
မိုဒါနာကုမ္ပဏီထုတ် ကိုဗစ်-၁၉ ရောဂါ ကာကွယ်ဆေးသည် နှစ်ကြိမ်ထိုးရသော ကာကွယ်ဆေးဖြစ်ပြီး အမေရိကန်နှင့်ကနေ ဒါနိုင်ငံတို့၌ အသုံးပြုခွင့်ရရှိပြီးဖြစ်သည်။ ထို့ပြင်အစ္စရေးနိုင်ငံကလည်း ယခု သီတင်းပတ်အစောပိုင်းတွင် ထိုကာကွယ်ဆေးကို နိုင်ငံအတွင်း အသုံးပြုခွင့်ပေးလိုက် ကြောင်းသိရသည်။ ထိုကာကွယ်ဆေးသည် လက်တွေ့စမ်းသပ်မှုများတွင် အာနိသင် ထိရောက်မှု ၉၅ ရာခိုင်နှုန်းရှိကာ ဆိုးဝါး သော ဘေးထွက်ဆိုးကျိုးများမရှိကြောင်း သိရသည်။
Ref: CNA