မြန်မာနိုင်ငံအတွင်းရှိ CDM လှုပ်ရှားမှုများအတွက် မလေးရှားနှင့် ကိုရီးယားနိုင်ငံရှိ အဖွဲ့အစည်း/လူပုဂ္ဂိုလ်များမှ တရားမဝင်ငွေကြေးထောက်ပံ့ပေးနေသည့်သတင်း

မြန်မာနိုင်ငံအတွင်းရှိ CDM လှုပ်ရှားမှုများအတွက် မလေးရှားနှင့် ကိုရီးယားနိုင်ငံရှိ အဖွဲ့အစည်း/လူပုဂ္ဂိုလ်များမှ တရားမဝင်ငွေကြေးထောက်ပံ့ပေးနေသည့်သတင်း

၁။ ၉-၃-၂၀၂၁ ရက်တွင် နာရေးကူညီမှုအသင်း(ရန်ကုန်)အနေဖြင့် မတ်လ ၃ ရက်တွင် လုံခြုံရေးတပ်ဖွဲ့ဝင်များမှ သိမ်းဆည်းရမိခဲ့သော ၎င်းတို့အဖွဲ့၏ ငွေကြေးဆိုင်ရာ စာရင်း ဇယားများနှင့်ပတ်သက်၍ အဆိုပါငွေစာရင်းများမှာ စာရင်းသေအပ်ငွေကျပ် နှစ်ဘီလီယံ ဖြစ်ပြီး လွန်ခဲ့သောလေးနှစ်ခန့်မှစတင်ကာ သက်ဆိုင်ရာဘဏ်များ၏ လုပ်ထုံးလုပ်နည်း အတိုင်း စနစ်တကျအပ်နှံဆောင်ရွက်ခဲ့ခြင်းဖြစ်သည်ဟု ကြေညာခဲ့ကြောင်း တွေ့ရှိရပါသည်။

၂။ အဆိုပါငွေကြေးများနှင့်ပတ်သက်၍ မြန်မာနိုင်ငံသို့ တရားမဝင်ငွေကြေးလည်ပတ် စီးဆင်းမှုများအား စုံစမ်းစစ်ဆေးခဲ့ရာ မြန်မာနိုင်ငံတွင် Civil Disobedience Movement (CDM) ပြုလုပ်နေသည့် ဝန်ထမ်းများအား အလှူငွေများထောက်ပံ့နိုင်ရန်အတွက် ပြည်တွင်းအလှူရှင်များအပြင် ပြည်ပနိုင်ငံများမှလည်း အဆိုပါအဖွဲ့ထံသို့ တရားမဝင် ငွေကြေးလွှဲပြောင်းပေးပို့မှုများရှိနေကြောင်း စိစစ်တွေ့ရှိရပါသည်။

၃။ ထိုသို့ပေးပို့မှုများအနက် မလေးရှားနိုင်ငံရှိ အောက်ပါပုဂ္ဂိုလ်များမှဦးစီး၍ အလှူငွေ ကောက်ခံမှုများအား ဆောင်ရွက်ကာ မြန်မာနိုင်ငံသို့ တရားမဝင်ငွေကြေး လွှဲပြောင်းမှု များဖြင့် ထောက်ပံ့ပေးပို့နေကြောင်း သိရှိရပါသည်-
- ဂျိုဟိုးပြည်နယ်၊ စီနိုင်းမြို့ရှိ အသောက ကျန်းမာရေးဖောင်ဒေးရှင်းအဖွဲ့မှ ကောက်ခံရရှိထားသည့် ငွေများအား ဦးကျော်သူ၏ဇနီး ဒေါ်မြင့်မြင်ခင်ဖေ(ခေါ်) ရွှေဇီးကွက် အဖွဲ့ဝင်အဖြစ်ပါဝင်သည့် ရန်ကုန်တိုင်းဒေသကြီး၊ မှော်ဘီမြို့ရှိ ဒယ်အိုးဆရာတော် ဥူးသုမင်္ဂလ ဦးဆောင်သော ခိုင်မြဲသောလက်များ အဖွဲ့ထံသို့လည်းကောင်း။
- ဆီလင်ဂေါပြည်နယ်၊ ပီတလင်ဂျာယာမြို့ရှိ ရတနာရာမဘုန်းကြီးကျောင်း ၏ ကျောင်းထိုင်ဆရာတော် ဦးဇာဂရဗုဒ္ဓိ အနေဖြင့် CDM အတွက် အလှူငွေ ကောက်ခံရန် “သောကကင်းဝေးနေနိုင်ရေး CDM ကို ဒို့အားပေးအလှူရှင်” ခေါင်းစဉ်ဖြင့် ကောက်ခံလျက်ရှိပြီး မြန်မာနိုင်ငံအတွင်းရှိ CDM ပြုလုပ်သော ဝန်ထမ်းများထံသို့ လည်းကောင်း။
- ကွာလာလမ်ပူမြို့ရှိ ကိုသက်(ခ)သက်ခိုင်စိုး(နှလုံးလှပရဟိတလူငယ်များ သွေးလှူရှင်)အဖွဲ့မှလည်း CDM အတွက် အလှူငွေများကောက်ခံလျက် ရှိပြီး ၂၆-၂-၂၀၂၁ ရက်တွင် ရွှေပြည်သာမြို့နယ်၌ CDM ပြုလုပ်နေသည့် ဝန်ထမ်း ၂၀ ဦးနှင့် ဆန္ဒပြဖြစ်စဉ်တွင် သေဆုံးခဲ့သူများအတွက် အလှူငွေ များအား လွှဲပြောင်းပေးပို့ခဲ့ရာ ရွှေပြည်သာမြို့နယ် NLD ပါတီဝင် ဦးအောင်ဇော်ထွေးမှ လက်ခံရယူခဲ့ကြောင်း၊ ၂၇-၂-၂၀၂၁ ရက်တွင်လည်း သမိုင်းဘူတာနှင့် ကံဘဲ့ဘူတာရှိ မီးရထားဝန်းမှ CDM ဆောင်ရွက်နေသည့် ဝန်ထမ်း ၈၅ ဦးအတွက် ငွေလွှဲပြောင်းထောက်ပံ့ပေးမှုများ ပြုလုပ်ခဲ့ကြောင်း သိရှိရပါသည်။

၄။ ထို့အပြင် ဆီလင်ဂေါပြည်နယ်၊ စကင်ချမ်းမြို့ရှိ ကိုမျိုး(ခ)အောင်မျိုးနိုင်(ရွှေမြန်မာ ပရဟိတလူမှု ကူညီရေးအသင်း)၊ ဂျိုဟိုးပြည်နယ်၊ နီလိုင်းမြို့ရှိ We Love Motherland-MM Malaysia လူမှုကွန်ရက်အကောင့်ပိုင်ရှင် အောင်သန်းညွန့်(ခ)နီလိုင်းဦးအောင် (NLD အမာခံ)၊ ကွာလာလမ်ပူဖက်ဒရယ်နယ်မြေ၊ ကပုန်းမြို့ရှိ ဒါတွတ် ဇော်မင်းသန်း (ကပုန်းနာရေးကူညီမှုအသင်းဒုဥက္ကဋ္ဌ)တို့မှလည်း CDM အတွက် အလှူငွေများကောက်ခံ၍ တရားမဝင်ငွေကြေးလွှဲပြောင်းပေးမှုများ ပြုလျက်ရှိကြောင်း သိရှိရပါသည်။

၅။ မလေးရှားနိုင်ငံရှိ အဆိုပါအဖွဲ့အစည်း/လူပုဂ္ဂိုလ်များအနေဖြင့် မြန်မာနိုင်ငံရှိ CDM ဆောင်ရွက်နေသော ဝန်ထမ်းများအတွက် မလေးရှားရင်းဂစ် ၅၄၉၄၉.၈၉ (မြန်မာကျပ်ငွေ ၁၈၈ သိန်းခန့်)အား Wave Money အပြင် တရားမဝင်ငွေလွှဲလုပ်ငန်း များမှတစ်ဆင့် ပေးပို့မှုများပြုလုပ်ခဲ့ပြီး ထိုသို့ပေးပို့ရာတွင် ငွေကြေးလွှဲပြောင်းပေးပို့မှု အများစုအား နာရေးကူညီမှုအသင်း (ရန်ကုန်)ဥက္ကဋ္ဌ ဦးကျော်သူနှင့် ၎င်း၏ဇနီး ဒေါ်မြင့်မြင့်ခင်ဖေ (ခေါ်)ဒေါ်ရွှေဇီးကွက် ထံသို့ လွှဲပြောင်းပေးခဲ့ကြောင်း သိရှိရပါသည်။

၆။ ထိုသို့ မလေးရှားနိုင်ငံမှ ကောက်ခံထားသောငွေများအား မြန်မာနိုင်ငံသို့ တရားမဝင် လွှဲပြောင်းပေးပို့ရာတွင် ရန်ကုန်တိုင်းဒေသကြီး၊ သာကေတမြို့နယ်ရှိ ဒါတွတ် ဇော်မင်းသန်း ၏နေအိမ်၊ တာမွေမြို့နယ်၊ ရွှေကမ္ဘာ(ဖိနပ်ဆိုင်)၊ ဒဂုံဆိပ်ကမ်းမြို့နယ်၊ ယုဇနဥယျာဉ် မြို့တော်၊ ဘီ(၁၁)လမ်း၊ တိုက်(၂၂)၊ အခန်း(၀၀၄)ရှိ ရွှေနှင်းဆီ(လျှပ်စစ်ပစ္စည်းရောင်းဝယ်ရေး) ဆိုင်များထံသို့ တရားမဝင်ငွေကြေး လွှဲပြောင်းပေးမှုများဖြင့် ဆောင်ရွက်လျက်ရှိကြောင်း သိရှိရပါသည်။

၇။ အလားတူ ကိုရီးယားနိုင်ငံ (NLD စည်းရုံးရေးကော်မတီ-ကိုရီးယားဌာနခွဲ)ဥက္ကဋ္ဌ ရန်နိုင်ထွန်း က ဦးဆောင်၍ နိုင်ငံရေးတက်ကြွလှုပ်ရှားသူများဖြင့် ဖေဖော်ဝါရီလ ၇ ရက်တွင် စစ်အာဏာသိမ်းမှုဆန့်ကျင်ရေးကော်မတီ(ကိုရီးယား)အား ဖွဲ့စည်းခဲ့ပြီး ဒုတိယခေါင်းဆောင်အဖြစ် စိုးမိုးသူ တို့မှ မြန်မာနိုင်ငံရှိ CDM ပြုလုပ်သောဝန်ထမ်း များအား ထောက်ပံ့ပေးနိုင်ရန်အတွက် ရန်နိုင်ထွန်းအမည်ဖြင့် Nonghyup Bank တွင် အကောင့်အမှတ်၊ 312-0031-6030-71 ဖြင့် ငွေကြေးကောက်ခံခဲ့ပြီး ဖေဖော်ဝါရီလ ၁၉ ၊ ၂၃ ၊ ၂၄ ၊ ၂၇ ရက်နှင့် မတ်လ ၃ ရက်တို့တွင် ကိုရီးယားဝမ် ၁၆၈၅ သိန်း(မြန်မာကျပ်ငွေ ၂၀၈၆ သိန်း)အား ကိုရီးယားနိုင်ငံရှိ ငွေလွှဲပြောင်းပေးသည့် ဝန်ဆောင်မှုလုပ်ငန်းများမှ လည်းကောင်း၊ ကိုရီးယားနိုင်ငံမှ ထိုင်းနိုင်ငံသို့ ဘဏ်လုပ်ငန်းများမှတစ်ဆင့် ငွေလွှဲပြောင်း ပေးပို့ပြီး ထိုင်းနိုင်ငံရှိ ကြားခံအေးဂျင့်များမှတစ်ဆင့် မြန်မာနိုင်ငံအတွင်းသို့ တရားမဝင် ငွေကြေးလုပ်ငန်းများဖြင့် လွှဲပြောင်းပေးခဲ့ကြောင်း သိရှိရပါသည်။

၈။ သို့ဖြစ်ပါ၍ အဆိုပါတရားမဝင်ငွေကြေးဝန်ဆောင်မှုလုပ်ငန်းများ ဆောင်ရွက် နေသော ဆိုင်များနှင့် ဆက်စပ်တရားခံများအား ပြည်သူများအနေဖြင့် ဝိုင်းဝန်း ဖမ်းဆီးပေးနိုင်ပါရန်နှင့် သတင်းရရှိပါက နီးစပ်ရာနယ်မြေခံတပ်၊ ရဲစခန်းများသို့ အကြောင်းကြားပေးပါရန်၊ လက်ခံထားသူများကိုလည်း ဥပဒေနှင့်အညီ ထိရောက်စွာ အရေးယူသွားမည်ဖြစ်ကြောင်း အသိပေးကြေညာအပ်ပါသည်။