နယူးဒေလီ၊ ကျန်းမာရေး
ကမ္ဘာပေါ်တွင် ကိုဗစ်-၁၉ ရောဂါဖြစ်ပွားမှု ဒုတိယအများဆုံးဖြစ်သော အိန္ဒိယနိုင်ငံ၌ ကာကွယ်ဆေးထိုးရန် ပထမခြေလှမ်းအဖြစ် တာဝန်ရှိသူများက အက်စထရာဇီနီကာ ကုမ္ပဏီနှင့် အောက်စဖို့တက္ကသိုလ်တို့ ပူးတွဲ ထုတ်လုပ်ထားသည့် ကိုဗစ်-၁၉ ကာကွယ် ဆေးကို အရေးပေါ်အသုံးပြုခွင့်ပေးလိုက် ကြောင်းသိရသည်။
အိန္ဒိယနိုင်ငံအတွင်းရှိ ကမ္ဘာ့အကြီးဆုံး ဆေးဝါးစက်ရုံဖြစ်သော ဆီရမ်ကုမ္ပဏီက ထုတ်လုပ်မည့် အက်စထရာဇီနီကာ ကုမ္ပဏီထုတ် ကိုဗစ်-၁၉ ရောဂါကာကွယ်ဆေးကို ဇန်နဝါရီ ၁ ရက်တွင် အရေးပေါ်အသုံးပြုခွင့် ပေးခြင်းဖြစ်ကြောင်း ပြန်ကြားရေးနှင့်သတင်း ထုတ်လွှင့်ရေးဝန်ကြီး ပရာကက်ဂျေဗဒီကာ က ဇန်နဝါရီ ၂ ရက်တွင်ပြောသည်။
ထို့ပြင် အိန္ဒိယနိုင်ငံသည် ကာကွယ်ဆေး လေးမျိုးအထိကို နိုင်ငံအတွင်းအသုံးပြုခွင့် ပေးရန် အသင့်ဖြစ်နေသည့် တစ်ခုတည်း သောနိုင်ငံဖြစ်နိုင်ကြောင်း ၎င်းက အာဏာရပါတီအစည်းအဝေး၌ ပြောခြင်းဖြစ်သည်။ ဆီရမ် ကုမ္ပဏီအနေဖြင့် အက်စထရာ ဇီနီကာကုမ္ပဏီထုတ် အဆိုပါကာကွယ်ဆေး အလုံးရေအနည်းဆုံး ၁ ဘီလီယံအထိ ထုတ်လုပ်သွားရန်သဘောတူထားပြီး လက်ရှိတွင် သန်းပေါင်းများစွာ ထုတ်လုပ်ထားပြီး ဖြစ်ကြောင်းသိရသည်။
ဗြိတိန်နိုင်ငံက အက်စထရာဇီနီကာ ကုမ္ပဏီထုတ်ကာကွယ်ဆေးကို ၎င်းနိုင်ငံ အတွင်း အသုံးပြုခွင့်ရသည့် ဒုတိယမြောက် ကာကွယ်ဆေးအဖြစ်အတည်ပြုပြီးနောက် တစ်ရက်အကြာတွင် အိန္ဒိယနိုင်ငံက ထိုဆေး ကိုအတည်ပြုခြင်းဖြစ်သည်။
အက်စထရာဇီနီကာကုမ္ပဏီထုတ် ကိုဗစ်-၁၉ ရောဂါကာကွယ်ဆေးသည် ဖိုင်ဇာကုမ္ပဏီထုတ် ကာကွယ်ဆေး ကဲ့သို့ လိုအပ်ချက်မများသည့်အတွက် အိန္ဒိယနိုင်ငံအတွင်းရှိ ဝေးလံခေါင်ဖျားဒေသများကိုပါ ကာကွယ်ဆေး ထိုးပေးနိုင်စေမည်ဖြစ်ကြောင်း သိရသည်။
Ref: Bloomberg