ရောမ၊ မတော်တဆမှု
အီတလီနိုင်ငံ နာပယ်ဆေးရုံအပြင်ဘက် ကားရပ်နားရာနေရာ၌ ဇန်နဝါရီ ၈ ရက် တွင် မြေကျွံမှုတစ်ခု ဖြစ်ပွားရာ ကားများစွာမှာ အောက်သို့ပြုတ်ကျသွားကြောင်းနှင့် လူနာများကို ဘေးကင်းရာသို့ရွှေ့ပြောင်း ပေးခဲ့ရကြောင်း ထုတ်ပြန်ချက်အရသိရသည်။
စတုရန်းမီတာ ၅၀၀ ခန့်ရှိသောတွင်းကြီးထဲသို့ ကားများပြုတ်ကျသွားသော်လည်း ထိခိုက်ဒဏ်ရာရရှိသူ မရှိကြောင်းနှင့် ယင်း ဖြစ်စဉ်ကြောင့် ဆေးရုံ၌ရေနှင့် လျှပ်စစ်ဓာတ်အား ပြတ်တောက်သွားကြောင်း မီးသတ်တပ်ဖွဲ့ဝင်များကပြောသည်။
ယင်းကဲ့သို့မြေကျွံမှုဖြစ်ပွားခြင်းသည် မြေအောက်ရေအသုံးပြုမှုကြောင့်ဖြစ်သည်ဟု ကမ်ပါနီယာဒေသ အကြီးအကဲ ဗင်ဆန်ဇိုဒီလူကာကပြောသည်။ နာပယ်ဆေးရုံသည် ကိုဗစ်-၁၉ ရောဂါကူးစက်မှု ပထမအကျော့ဖြစ်ပွားစဉ်တွင် ထိုရောဂါကူးစက်ခံရသည့်လူနာများကို ထားရှိသည့်နေရာဖြစ်ပြီး မြေကျွံကျမှု ဖြစ်ပွားစဉ်တွင် ဆေးရုံ၌ ကိုဗစ်-၁၉ လူနာ ခြောက်ဦးသာရှိကြောင်းသိရသည်။
ယခုအခါ အဆိုပါလူနာဆောင်တွင် ရေပူနှင့်လျှပ်စစ်ဓာတ်အား မရရှိမှုကြောင့် ထိုလူနာဆောင်ကို ယာယီပိတ်ထားရကြောင်း ဆေးရုံတာဝန်ရှိသူများကပြောသည်။
Ref: CNA