SJ WorldNews - шаблон joomla Авто

မြန်မာ-ထိုင်း နှစ်နိုင်ငံ ကုန်သွယ်မှု အရှိန်အဟုန်မြှင့်တင်ရန် ပူးပေါင်း ဆောင်ရွက်မည်

Friday, 01 June 2018 09:10 font size decrease font size decrease font size increase font size increase font size

ရန်ကုန်   မေ   ၃၁

မြန်မာ-ထိုင်း နှစ်နိုင်ငံ ကုန်သွယ်မှု  ပိုမိုမြင့်တက် လာနိုင်စေရေး အတွက် စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနနှင့် ထိုင်းနိုင်ငံမှ   နိုင်ငံတကာ ကုန်သွယ်မှု ဖွံ့ဖြိုးတိုးတက်ရေး ဌာနတို့  ပူးပေါင်း ဆောင်ရွက်မည်ဖြစ်ကြောင်း  မြန်မာနိုင်ငံ စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနမှ Deputy Director General ဒေါ်နော်မတူးခပေါထံမှ သိရသည်။

ထိုင်းနိုင်ငံမှ နိုင်ငံတကာ ကုန်သွယ်မှု ဖွံ့ဖြိုးတိုးတက်ရေး ဌာနအနေဖြင့် ကုန်သွယ်ရေးနှင့် ရင်းနှီးမြှုပ်နှံမှုမြှင့်တင်ရန် ဈေးကွက်အသစ်များ ရှာဖွေလျက်ရှိရာတွင်  မြန်မာနိုင်ငံ၏ စီးပွားရေးမှာ အရှိန်အဟုန်မြင့်စွာ တိုးတက်လာသည်ကို   မြင်တွေ့နေရသောကြောင့် မြန်မာနိုင်ငံနှင့် ပူးပေါင်းပြီး ကုန်သွယ်မှုများ တိုးတက်လာစေရန် ဆက်လက်ဆောင်ရွက်မည်ဖြစ်သည်။

''လက်ရှိမှာ ထိုင်းနိုင်ငံနဲ့ ကုန်သွယ်မှုတွေက အရင်ကထက် တိုးတက်လာတာ တွေ့ရပါတယ်။ ဘယ်လောက်ထိ တိုးတက်လာသလဲဆိုရင် ဒီနှစ်အတွင်းမှာ မြန်မာနိုင်ငံကနေ ထိုင်းနိုင်ငံကို  ကုန်စည်တင်ပို့မှုက အမေရိကန်ဒေါ်လာ သန်း ၉၅ဝ အထိရှိပြီး အရင်နှစ်တွေကထက် ၅၁ ရာခိုင်နှုန်းတိုးလာတယ်။

ထိုင်းနိုင်ငံကနေ မြန်မာနိုင်ငံကို ကုန်စည်တင်ပို့မှုကလည်း အမေရိကန်ဒေါ်လာ ၁၅၄၂ သန်းရှိပြီး  ပြီးခဲ့တဲ့နှစ်ကထက် ၁၈ ရာခိုင်နှုန်း တိုးလာတာကြောင့် ကုန်သွယ်မှုတွေက တဖြည်းဖြည်း မြင့်တက်လာတယ်။ ဒါကြောင့် အခုထက်ပိုပြီး  ကုန်သွယ်မှုတွေ မြင့်တက်လာအောင်  ဆောင်ရွက်သွားမှာပါ''  ဟု  ဒေါ်နော်မတူးခပေါ ကပြောသည်။

ထိုင်းနိုင်ငံမှ ကုန်စည်များနှင့်  မြန်မာနိုင်ငံမှ ကုန်စည်များကို ထုတ်လုပ်သူများနှင့် ပို့ကုန်လုပ်ငန်းရှင်များက  ထုတ်ကုန်အရည်အသွေးကို နှစ်နိုင်ငံအတွင်းရှိ ပြည်သူများ ပိုမိုသိရှိပြန့်ပွားလာစေရန်  ပူးပေါင်းဆောင်ရွက်မည်ဖြစ်သည်။

ထို့ပြင်  မြန်မာနိုင်ငံမှ   ထိုင်းနိုင်ငံသို့ သဘာဝဓာတ်ငွေ့၊ ငါးပုစွန်၊ သတ္တု၊ ပဲမျိုးစုံနှင့် လယ်ယာထွက်ကုန်များ တင်ပို့လျက်ရှိပြီး ထိုင်းနိုင်ငံမှ မြန်မာနိုင်ငံသို့ စက်ပစ္စည်းများ၊ မော်တော်ယာဉ်အပိုပစ္စည်းများ၊ ဘိလပ်မြေ၊ဓာတ်မြေသြဇာများ၊ အလှကုန်များ၊ ဆေးဝါးများနှင့် ရေနံများ တင်သွင်းလျက် ရှိကြောင်း သိရသည်။

Read 77 times Last modified on Friday, 01 June 2018 09:11