SJ WorldNews - шаблон joomla Авто

မြန်မာနိုင်ငံတွင် ဖြစ်ပေါ်နေသော အကြမ်းဖက်မှုများ တိုက်ဖျက်ရေး၊ အကြမ်းဖက်သမားများ စိမ့်ဝင်ထိုးဖောက်မှု မရှိစေရေးတို့နှင့် စပ်လျဉ်း၍ ဆွေးနွေး

Friday, 17 November 2017 09:16 font size decrease font size decrease font size increase font size increase font size

နေပြည်တော်  နိုဝင်ဘာ ၁၆

အကြမ်းဖက်မှု တိုက်ဖျက်ရေး ဗဟိုအဖွဲ့(၁/၂ဝ၁၇) အစည်းအဝေးကို နေပြည်တော်ရှိ ပြည်ထဲရေးဝန်ကြီးဌာန ပြည်ထောင်စုဝန်ကြီးရုံး အစည်းအဝေးခန်းမ၌ ယနေ့နံနက် ၁ဝ နာရီတွင် ကျင်းပသည်။

အဆိုပါအစည်းအဝေးသို့  မြန်မာနိုင်ငံ အကြမ်းဖက်မှု တိုက်ဖျက်ရေးဗဟိုအဖွဲ့ ဥက္ကဋ္ဌ ပြည်ထဲရေး ဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီးကျော်ဆွေ၊ ဗဟိုအဖွဲ့ ဒုတိယ ဥက္ကဋ္ဌများ ဖြစ်ကြသော ပြည်ထောင်စုဝန်ကြီး ဒုတိယဗိုလ်ချုပ်ကြီးစိန်ဝင်း၊ ဒုတိယဗိုလ်ချုပ်ကြီးရဲအောင်၊   ဗဟိုအဖွဲ့  အဖွဲ့ဝင်များဖြစ်ကြသော ပြည်ထောင်စုဝန်ကြီး ဒေါက်တာဖေမြင့်၊ ဦးသန့်စင်မောင်၊   ဒေါက်တာ မျိုးသိမ်းကြီး၊  ဦးကျော်ဝင်းနှင့် ဆက်စပ်ဝန်ကြီးဌာနများမှ  ဒုတိယဝန်ကြီးများ၊ ဌာနဆိုင်ရာ အရာရှိကြီးများ တက်ရောက်ကြသည်။

အစည်းအဝေးတွင် မြန်မာနိုင်ငံ အကြမ်းဖက်မှု တိုက်ဖျက်ရေး ဗဟိုအဖွဲ့ ဥက္ကဋ္ဌ ပြည်ထဲရေး ဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီး ကျော်ဆွေက အဖွင့်အမှာစကား ပြောကြားသည်။

ယင်းနောက် အကြမ်းဖက်မှု တိုက်ဖျက်ရေးနှင့် စပ်လျဉ်း၍ ဥပဒေအရ အပ်နှင်းထားသော ဗဟိုအဖွဲ့၏လုပ်ပိုင်ခွင့်နှင့်   တာဝန်များအရ ဆောင်ရွက်ထားမှုများ၊   နိုင်ငံအသီးသီး၌ အကြမ်းဖက်မှုကို  ကိုင်တွယ်ဖြေရှင်းရာတွင် ဖြစ်ပေါ်လာနိုင်သည့် နောက်ဆက်တွဲပြဿနာများ၊ မြန်မာနိုင်ငံတွင် ဖြစ်ပေါ်နေသော အကြမ်းဖက်မှုများ တိုက်ဖျက်ရေး၊ အကြမ်းဖက်သမားများ စိမ့်ဝင်ထိုးဖောက်မှု မရှိစေရေး တို့နှင့် စပ်လျဉ်း၍  ကုလသမဂ္ဂ အကြမ်းဖက်မှု တိုက်ဖျက်ရေး အမှုဆောင်အရာရှိချုပ်ရုံး၏  သတ်မှတ်ပြဋ္ဌာန်းချက်များ၊ နိုင်ငံတကာ စံချိန်စံညွှန်းများနှင့်အညီ  လိုက်နာဆောင်ရွက်နိုင်ရေးတို့နှင့် စပ်လျဉ်း၍ ဆွေးနွေးခဲ့ကြသည်။

ထို့နောက်   တက်ရောက်လာကြသော အကြမ်းဖက်မှုတိုက်ဖျက်ရေး ဗဟိုအဖွဲ့ ဒုတိယဥက္ကဋ္ဌများ၊ အဖွဲ့ဝင်များဖြစ်ကြသည့် ပြည်ထောင်စုဝန်ကြီးများ၊ မြန်မာနိုင်ငံရဲတပ်ဖွဲ့ ရဲချုပ်နှင့်ဌာနဆိုင်ရာ တာဝန် ရှိသူများက မြန်မာနိုင်ငံအကြမ်းဖက်မှု တိုက်ဖျက်ရေး ဥပဒေနှင့်အညီ အကောင်အထည်ဖော် ဆောင်ရွက်သင့်သည့် အချက်များ၊ လုပ်ငန်းကော်မတီများ ဖွဲ့စည်း ထူထောင်ရေးတို့နှင့် စပ်လျဉ်း၍ အကြံပြုဆွေးနွေး တင်ပြခဲ့ကြကြောင်း သတင်းရရှိသည်။

(သတင်းစဉ်)

Read 103 times Last modified on Friday, 17 November 2017 09:17