SJ WorldNews - шаблон joomla Авто

အသက်(၂)နှစ်အောက်ကလေးငယ်များ ကာကွယ်ဆေးထိုးနှံ၊ တိုက်ကျွေးခြင်းများဆောင်ရွက်

Wednesday, 14 August 2019 10:35 font size decrease font size decrease font size increase font size increase font size

နေပြည်တော်   သြဂုတ်  ၁၃

တောင်ပိုင်းတိုင်းစစ်ဌာနချုပ်၊ တောင်ငူတပ်နယ်၊ အသက်(၂)နှစ်အောက်ကလေးငယ်များ ကာကွယ်ဆေးထိုးနှံ၊ တိုက်ကျွေးခြင်းကို ယနေ့နံနက်ပိုင်းတွင် တိုင်းစစ်ဌာနချုပ်၊ အေးချမ်းဖြိုးခန်းမ၌ပြုလုပ်ရာ တိုင်းမှူး ဗိုလ်ချုပ်မျိုးဝင်းနှင့် အဖွဲ့ဝင်များက လိုအပ်သည်များ ညှိနှိုင်းဆောင်ရွက်ပေးပြီး ကလေးငယ်များအတွက် စားသောက်ဖွယ်ရာများ ပေးအပ် သည်။

အဆိုပါ အသက်(၂)နှစ်အောက်ကလေးငယ်များ ကာကွယ်ဆေးထိုးနှံ၊ တိုက်ကျွေး ခြင်း ဆောင်ရွက်ပေးရာတွင် တောင်ငူမြို့ရှိ တပ်မတော်ဆေးရုံမှ ပါရဂူများနှင့် ဆရာဝန်များက ကလေးငယ် ၃၅၆ ဦးတို့ကို ပေါင်ချိန်ပေးခြင်း၊ သန်ချဆေးတိုက်ကျွေးခြင်း၊ အားဆေးတိုက်ကျွေးခြင်း၊ ဆုံဆို့၊ ကြက်ညှာ၊ မေးခိုင်၊ အသည်းရောင်အသားဝါ  ဘီ၊  ဦးနှောက်အမြှေးရောင်   ငါးမျိုးစပ်ကာကွယ်ဆေး၊ ပြင်းထန်အဆုတ်ရောင်ကာကွယ်ဆေး၊ ပိုလီယိုကာကွယ်ဆေးနှင့်  ဝက်သက်၊  ဂျိုက်သိုးကာကွယ်ဆေးများ ထိုးနှံ၊ တိုက်ကျွေးပေးခဲ့ကြောင်း သတင်းရရှိသည်။

 

Read 19 times Last modified on Wednesday, 14 August 2019 10:36