SJ WorldNews - шаблон joomla Авто

မှန်တိုင်းသဘောမတွေ့ မြန်တိုင်းမချောမွေ့

Sunday, 08 September 2019 10:17 font size decrease font size decrease font size increase font size increase font size

(၂ဝ၁၉ ခုနှစ်၊ စက်တင်ဘာ ရက်)

မှန်သော စကားကိုပြောလျှင် သစ္စာဟု ဆိုထားကြသော်ငြား စကားခြောက်ခွန်း၊ လူ၌ ထွန်း၊ လေးခွန်းကိုပယ် နှစ်ခွန်းတည်ဟူ၍ ရှောင်ရန်၊ ဆောင်ရန်တို့ကို သတိပေးထား ပြန်သည်။ စကားခြောက်ခွန်းဟူသည် ဟုတ်လည်း မဟုတ်၊ သူလည်း မနာမကြားလို၊ အကျိုးလည်း မရှိသောစကား။ ဟုတ်ကားဟုတ်၏၊ သူကားမနာမကြားလို၊ အကျိုးလည်း မရှိသောစကား။ ဟုတ်လည်းမဟုတ်၊ အကျိုးလည်းမရှိ၊ သူကားနာကြားလိုသောစကား။ ဟုတ်လည်းဟုတ်၏၊ သူလည်းနာကြားလို၏၊ အကျိုးကားမရှိသောစကား။ ဟုတ်လည်း ဟုတ်၏၊ အကျိုးလည်းရှိ၏၊ သူကားမနာမကြားလိုသောစကား။ ဟုတ်လည်းဟုတ်၏၊ အကျိုးလည်းရှိ၏၊ သူလည်း နာလိုကြားလိုသော စကားတို့ဖြစ်သည်။

အထက်ပါ စကားခြောက်ခွန်းအနက်မှ ဟုတ်လည်းဟုတ်၏၊ အကျိုးလည်းရှိ၏၊ သူကား မနာမကြားလိုသော စကားနှင့် ဟုတ်လည်းဟုတ်၏၊ အကျိုးလည်းရှိ၏၊ သူလည်း နာလို ကြားလိုသောစကားတို့ကိုသာ ပြောကြရန်ဖြစ်ပြီး ကျန်ရှိသော စကားလေးခွန်းကို မပြော သင့်ဘဲ ရှောင်ကြဉ်ကြရန်ဖြစ်သဖြင့် လေးခွန်းကိုပယ် နှစ်ခွန်းတည်ဟု ဆိုထားခြင်း ဖြစ်သည်။ ၂၁ ရာစု ကမ္ဘာ့ပြည်သူတို့သည် မေတ္တာ၊ ကရုဏာ၊ မုဒိတာ၊ ဥပေက္ခာဟူသော ဗြဟ္မစိုရ်တရား ထွန်းကားရေးကို အားပေးနေကြချိန်တွင် ပွင့်လင်းမြင်သာမှုကို လိုလား ကြသည်။ မည်သည့် အကြောင်းကိစ္စအတွက် မည်သူတွေက မည်သည့် အတိုင်းအတာ အထိ ပွင့်လင်းမြင်သာမှု ရှိရမည်ဆိုသည်များမှာ ကာလဒေသ ပယောဂအပေါ်၌သာ တည်မှီလျက်ရှိရာ ပုံသေ ''စံ'' တစ်ခုသတ်မှတ်ရန် ခက်ခဲသည်ဟု ဆိုရပေမည်။ လူမှု အသိုက်အဝန်းတွင် လူအမျိုးမျိုး စိတ်အထွေထွေရှိကြရာ ပွင့်ပွင့်လင်းလင်း ပြောတတ် ပါသည်ဆိုသူအချို့မှာ မှန်တာပြောလျှင်သစ္စာဟုဆိုကာ အခြားသူများအကြောင်းကိုသာ ပွင့်ပွင့်လင်းလင်း ပြောတတ်ကြသော်လည်း မိမိအကြောင်းကိုကား လျှို့ဝှက်ထားတတ် ကြသည်။ မိမိအကြောင်းကို အခြားသူများကပြောလာသည်ရှိသော် မှန်သောစကား ပင်ဖြစ်စေကာမူ သူတို့နှင့်ဘာဆိုင်လို့လဲ၊ သူတို့က ဘယ်လောက်တတ်သိနားလည် လို့လဲ စသည့်ငါစွဲစကားများဖြင့် အနည်းဆုံး ခွန်းတုံ့ပြန်တတ်ကြသည့် သဘာဝရှိသည်။ ထို့ကြောင့် သူမနာလိုမကြားလိုစေကာမူ ဟုတ်လည်းဟုတ်၊ အကျိုးလည်းရှိသော စကား ကို ပြောသင့်သောအချိန်၊  ပြောသင့်သော နေရာတွင် ပြောရန်ဖြစ်သည်။ ဟုတ်လည်း ဟုတ်၊ အကျိုးလည်းရှိ၊ သူလည်းနာလိုကြားလိုသော စကားကိုကား အထူးဆိုဖွယ်မရှိ ချေ။ ပြောသင့်သောစကားကို  ပြောသင့်သောအချိန်၊ ပြောသင့်သော နေရာ၌ပြောကြ ရာတွင် အကြောင်း အကျိုးဆီလျော်၍ ဥပမာ သာဓကတို့ဖြင့် ပြေပြေပြစ်ပြစ်ပြောဆိုမှု၊ အတိတ်ကာလနှင့် ပစ္စုပ္ပန်ကို နှိုင်းယှဉ်တွေ့ရှိချက်နှင့် အနာဂတ်ကို မြော်မြင်နိုင်မှုတို့ဖြင့် ပြည့်စုံရမည်ဖြစ်သည်။ ဤအချက်များနှင့် မပြည့်စုံလျှင် အနာပေါ်တုတ်ကျသူတို့၏ ဒုက္ခ ပေးနည်းမျိုးစုံကို ကြုံတွေ့ရနိုင်သည်။

ကမ္ဘာ့နိုင်ငံ အသီးသီးတို့တွင် လူဦးရေတိုးတက် များပြားလာသည်နှင့်အမျှ ဖွံ့ဖြိုးရေး အစီအစဉ်များကို အရှိန်အဟုန်တိုးမြှင့် ဆောင်ရွက်လာကြရသည်။ နိုင်ငံသားများ အနေ ဖြင့်လည်း မိသားစုဘဝ ရပ်တည်ရှင်သန်နိုင်ရေးကို အာရုံစိုက်လာကြရာမှ ဖြတ်လမ်း နည်းကို ရွေးချယ်မှုများကြောင့် လူ့အဖွဲ့အစည်း တည်ငြိမ်အေးချမ်းရေးနှင့် ပြည်သူတို့ ဘဝလုံခြုံရေးတို့အတွက် စိုးရိမ်ဖွယ် အခြေအနေနှင့်ကြုံတွေ့ နေကြရသည်။ ကမ္ဘာ့နိုင်ငံ များတွင် အပါအဝင်ဖြစ်သော မြန်မာနိုင်ငံမှာလည်း အလားတူအခြေအနေများရှိကြောင်း တွေ့မြင်ကြားသိနေရသည်။ ကြီးပွားရေးအတွက် လောဘတက်လာခြင်းကြောင့် တရား မဝင်စီးပွားရှာသူများ၊ သမ္မာအာဇီဝ မဟုတ်သော နည်းဖြင့် စီးပွားရှာကြသူများ၊ သမ္မာ အာဇီဝဖြစ်စေကာမူ သက်ဆိုင်ရာ လုပ်ငန်း နယ်ပယ်အလိုက် သတ်မှတ်ထားသော စည်းကမ်းလိုက်နာမှု အားနည်းခြင်းကြောင့် အများပြည်သူ နစ်နာကြရသည်များ စသည်ဖြင့် အမျိုးမျိုးရှိသဖြင့် ဥပဒေ၏အဆုံးအမကို ခံယူရသောအခါ အားလုံး စိတ် မချမ်းသာဖြစ်ကြရသည်။

လူတစ်ဦးချင်း ကြီးပွားတိုးတက်ရေးအတွက် ဖြတ်လမ်းမရှိဟု ဆိုထားသကဲ့သို့ နိုင်ငံ တစ်နိုင်ငံဖွံ့ဖြိုး တိုးတက်ရေးသည်လည်း  ဆေးမြီးတိုဖြင့် ကုသ၍မရနိုင်ပေ။ ရည်မှန်း ချက်သို့ ရောက်အောင် တစ်ဆင့်ပြီးတစ်ဆင့် စနစ်တကျသွားရမည့်အစား ခုန်ပျံ ကျော်လွှား စခန်းသွားကြလျှင် ဆေးသမားမထောင်းတာ၊ လူနာမခံချိဆိုစကားကဲ့သို့ ပြည်သူတို့သာ ထိခိုက်နစ်နာကြရကြောင်း ထုံးဟောင်းသာဓကများ ကမ္ဘာနှင့်မြန်မာတွင် ရှိပြီးဖြစ်သည်။

ထို့ကြောင့် မှန်တိုင်း သဘောမတွေ့၊ မြန်တိုင်း မချောမွေ့သော ဤလောကဝယ် ဗြဟ္မစိုရ် တရားထွန်းကားရေးနှင့် ပွင့်လင်းမြင်သာမှုကို ဖော်ဆောင်ကြရာတွင် စေတနာ မှန်သောစကားကို ပြော၍ အခြားသူများပြောသော စေတနာစကားကိုလည်း အလေး ထားကာ လုပ်နည်းအနေဖြင့်လည်း မှန်ကြမည်ဆိုလျှင် အခြေအနေ အရပ်ရပ်တို့သည် အကောင်းဘက်သို့သာ ဦးတည်ရွေ့လျားသွားမည့် အလားအလာရှိနိုင်ကြောင်း မြဝတီ ကသုံးသပ်ရပါသည်။    

Read 76 times Last modified on Sunday, 08 September 2019 10:18