SJ WorldNews - шаблон joomla Авто

အာဆီယံ- အမေရိကန် ပင်လယ်ရေကြောင်း ဆိုင်ရာ လေ့ကျင့်ခန်း ASEAN-US Maritime Exercise (AUMX) သို့တက် ရောက်ခဲ့သော တပ်မတော်(ရေ)မှ စစ်ရေယာဉ် (ကျန်စစ်သား) ပြန်လည်ရောက်ရှိ

Thursday, 12 September 2019 09:06 font size decrease font size decrease font size increase font size increase font size

နေပြည်တော်  စက်တင်ဘာ  ၁၁

ထိုင်းပင်လယ်ကွေ့တွင် စက်တင်ဘာ၂ ရက်မှ ၆ ရက်အထိ ကျင်းပပြုလုပ်ခဲ့သည့်  အာဆီယံ-အမေရိကန် ပင်လယ် ရေကြောင်း ဆိုင်ရာလေ့ကျင့်ခန်း ASEAN-US Maritime Exercise (AUMX) သို့တက်ရောက်ခဲ့သည့်  တပ်မတော်(ရေ) မှ ဒုတိယဗိုလ်မှူးကြီး ခွန်အောင်ကျော် ဦးဆောင်သော စစ်ရေယာဉ်(ကျန်စစ်သား) သည် ယနေ့ နေ့လယ်ပိုင်းတွင်  ရန်ကုန်မြို့သို့ ပြန်လည်ရောက်ရှိလာရာ  ရေတပ်လေ့ကျင့်ရေးဌာနချုပ်၊  ဌာနချုပ်မှူး  ဦးဆောင်၍ တပ်မတော်(ရေ)မှ အရာရှိ၊ စစ်သည်၊ မိသားစုများနှင့် မြန်မာနိုင်ငံဆိုင်ရာ  အမေရိကန်ရေတပ် စစ်သံမှူးတို့က  ကြိုဆိုနှုတ်ဆက်ကြသည်။

အဆိုပါအာဆီယံ-အမေရိကန် ပင်လယ်ရေကြောင်းဆိုင်ရာ လေ့ကျင့်ခန်းသို့ တက်ရောက်ရန်အတွက် စစ်ရေယာဉ် (ကျန်စစ်သား) သည် သြဂုတ် ၂၆ ရက်တွင် ရန်ကုန်မြို့ မှစတင်ထွက်ခွာခဲ့ရာ စင်ကာပူနိုင်ငံ၊ ချန်ဂီရေတပ် စခန်းသို့ သြဂုတ် ၃၁ ရက်နံနက်ပိုင်းတွင် ရောက်ရှိခဲ့ပြီး လမ်းခရီးတစ်လျှောက် ရေယာဉ်ပေါ် လက်တွေ့ လေ့ကျင့်ခန်းများ ဆောင်ရွက်ခဲ့သည်။

ချန်ဂီရေတပ်စခန်းသို့ရောက်ရှိစဉ် စက်တင်ဘာ ၁ ရက်မှ ၂ ရက်ထိ အဖွဲ့ခေါင်းဆောင် နှင့်အဖွဲ့ဝင်များသည် လေ့ကျင့်ခန်းဆိုင်ရာ  အကြိုညှိနှိုင်း အစည်းအဝေးများသို့ တက်ရောက်ခြင်း၊ စင်ကာပူ ရေတပ်သတင်း အချက်အလက် ပေါင်းစပ် ညှိနှိုင်း ရေးဌာန (Information Fusion Centre-IFC) လေ့ကျင့်ခန်း၌ အသုံးပြုမည့် သတင်း အချက် အလက်ဖြန့်ချိရေးစနစ် (IFC-Realtime Information Sharing System-IRIS)အား လေ့လာခြင်း၊ လေ့ကျင့်ခန်းတွင် ပါဝင်သည့် စစ်ရေယာဉ်များ အပြန်အလှန် ချစ်ကြည်ရေး လေ့လာလည်ပတ်ခြင်း၊ စင်ကာပူ မြို့တွင်း လေ့လာရေး ခရီးစဉ် သွားရောက် ခြင်းများ ဆောင်ရွက်ခဲ့ကြသည်။

စစ်ရေယာဉ်(ကျန်စစ်သား) သည် စက်တင်ဘာ ၂ ရက် နေ့လယ်ပိုင်းတွင် ချန်ဂီရေတပ် စခန်းမှ ထိုင်းပင်လယ်ကွေ့ သို့ ထွက်ခွာ ခဲ့ပြီး စက်တင်ဘာ ၅ ရက်အထိ အာဆီယံ- အမေရိကန် ပင်လယ်ရေကြောင်းလုံခြုံရေးဆိုင်ရာ လေ့ကျင့်ခန်းများ ဆောင်ရွက်ပေးခဲ့သည်။ လေ့ကျင့်ခန်းဧရိယာအတွင်း ပုံပြုမောင်းနှင်ခြင်း၊ သံသယဖြစ်ဖွယ် ရေယာဉ်အား ရှာဖွေ ထောက် လှမ်းခြင်း၊ သံသယဖြစ် ဖွယ်ရေယာဉ်ပေါ်တက်ရောက်ရှာဖွေစီးနင်း သိမ်းပိုက်ခြင်း၊ အချက်ပြ ဆက်သွယ်ခြင်းနှင့် ပင်လယ်ပြင် ထောက်ပံ့ဖြည်းတင်းရေး အတွက် ချဉ်းကပ် မောင်းနှင်ခြင်း လေ့ကျင့်ခန်းများ ဆောင်ရွက်ခဲ့ကြသည်။

ASEANUS Maritime Exercise (AUMX)အား မြန်မာ၊ အမေရိကန်၊ ထိုင်း၊ စင်ကာပူ၊ ဗီယက်နမ်၊ ဖိလစ်ပိုင်၊ ဘရူနိုင်း နိုင်ငံတို့မှ စစ်ရေယာဉ် ရှစ်စင်း၊ ရဟတ်ယာဉ် နှစ်စင်း၊ လေယာဉ် တစ်စင်းတို့ စေလွှတ်ပါဝင်ခဲ့ကြပြီး ကျန်အာဆီယံ နိုင်ငံ များက လေ့လာသူ ကိုယ်စားလှယ်များ စေလွှတ် တက်ရောက်ခဲ့ကြသည်။

စစ်ရေယာဉ်(ကျန်စစ်သား)၏ ရန်ကုန်- စင်ကာပူ-ထိုင်းပင်လယ်ကွေ့-ရန်ကုန် ခရီးစဉ်သည် စုစုပေါင်းရေမိုင် (၃၆၅၀) မိုင် ခန့် ဖြစ်ကြောင်း သတင်းရရှိသည်။

......

 

Read 25 times Last modified on Thursday, 12 September 2019 09:10