အိန္ဒိယနိုင်ငံ၌ ဗိုင်းရပ်ကူးစက်ခံရသူ စုစုပေါင်း ၃ ဒသမ ၆ သန်းကျော်လာ

အိန္ဒိယနိုင်ငံ၌ သြဂုတ် ၃၁ ရက်တွင် နိုဗယ်ကိုရိုနာဗိုင်းရပ်ကူးစက်ခံရသူ ၇၈၅၁၂ ဦးရှိသည့်အတွက် သြဂုတ် ၃၀ ရက်၏စံချိန်တင်ကူးစက်မှုထက် အနည်းငယ်လျော့နည်းသော်လည်း ဗိုင်းရပ်ကူးစက်ခံရသူစုစုပေါင်း ၃ ဒသမ ၆၄ သန်းကျော်လာပြီဖြစ်ကြောင်း ကျန်းမာရေးဝန်ကြီးဌာနက ထုတ်ပြန်သည်။

ထိုနိုင်ငံ၏ သြဂုတ် ၃၀ ရက်ဗိုင်းရပ်ကူးစက်ခံရသူအရေအတွက်မှာ ၇၈၇၆၁ ဦးရှိပြီး ယင်းပမာဏသည် အမေရိကန်ကို ကျော်၍ ကမ္ဘာပေါ်တွင် တစ်ရက်အတွင်း ဗိုင်းရပ်ကူးစက်မှု အများဆုံးနိုင်ငံဖြစ်လာခြင်း ဖြစ်သည်။

ကမ္ဘာ့လူဦးရေ ဒုတိယအ များဆုံးဖြစ်သော အိန္ဒိယနိုင်ငံ၏ နေ့စဉ်ဗိုင်းရပ်ကူးစက်ခံရမှု ပမာဏသည် သြဂုတ် ၇ ရက်မှစ၍   တရိပ်ရိပ်မြင့်တက်လာပြီး အမေရိကန်နှင့်ဘရာဇီးနိုင်ငံတို့ကို ကျော်လွန်ကာ ကမ္ဘာပေါ်တွင် နေ့စဉ်ဗိုင်းရပ်ကူးစက်မှု အများဆုံးဖြစ်လာသည်။ သို့သော် သေဆုံးမှုနှုန်းမှာ ထိုနိုင်ငံများနှင့် နှိုင်းယှဉ်လျှင် အလွန်နည်းပါးနေဆဲဖြစ်ကာ သေဆုံးသူ စုစုပေါင်း ၆၄၈၀၇ ဦးရှိကြောင်း ကျန်းမာရေးဝန်ကြီးဌာန၏ ထုတ်ပြန်ချက်တွင် ဖော်ပြထားသည်။

Ref: The Straits Times