တပ်မတော်ဆေးရုံ ခုတင်-၅၀၀ နှင့် တပ်မတော်အရိုးရောဂါအထူးကုဆေးရုံကြီး ခုတင်-၅၀၀ သို့ PE ဝတ်စုံနှင့် Surgical Mask များ ပေးအပ်လှူဒါန်း
နေပြည်တော် စက်တင်ဘာ ၉
ဗုဒ္ဓဘာသာကလျာဏယုဝအသင်းကြီး (YMBA)မှဦးဆောင်ပြီး မြန်မာအိပ်မက် အလင်းရှင်အသင်းမှ ရန်ကုန်မြို့၊ တပ်မတော်ဆေးရုံ ခုတင်-၅၀၀ သို့ ကျန်းမာရေးစောင့်ရှောက်မှုလုပ်ငန်းများဆောင်ရွက်ရာတွင် အသုံးပြုနိုင်စေရန်အတွက် PPE ဝတ်စုံနှင့် Surgical Mask များပေးအပ်လှူဒါန်းခြင်းကို ယနေ့နံနက် ၉ နာရီတွင် အဆိုပါဆေးရုံ၌ ပြုလုပ်ခဲ့သည်။
ရှေးဦးစွာ ဗုဒ္ဓဘာသာကလျာဏယု၀ အသင်းကြီး (YMBA) ဗဟိုဥက္ကဋ္ဌ ဦးရဲထွန်း က လှူဒါန်းဖြစ်ပုံအားရှင်းလင်းပြောကြားပြီးမြန်မာအိပ်မက်အလင်းရှင်အသင်းမှ MD ဦးမင်းမြတ်ဦးက လှူဒါန်းရခြင်းအကြောင်းအား ရှင်းလင်းပြောကြားခဲ့သည်။
ယင်းနောက် အလှူရှင်များက တပ်မ တော်ဆေးရုံ ခုတင်-၅၀၀ သို့ PPE ဝတ်စုံ နှင့် Surgical Mask များ ပေးအပ်လှူဒါန်း ရာ တပ်မတော်ဆေးရုံ ခုတင်-၅၀၀ ဆေးရုံ တပ်မှူး ဗိုလ်မှူးချုပ်စိန်လင်းက လက်ခံ ရယူပြီး ကျေးဇူးတင်စကားပြန်လည်ပြော ကြားခဲ့သည်။
ဆက်လက်ပြီး ဗုဒ္ဓဘာသာကလျာဏ ယုဝအသင်းကြီး (YMBA) အသင်းမှ ဗဟိုဥက္ကဋ္ဌနှင့် မြန်မာအိပ်မက်အလင်းရှင် အသင်းမှအလှူရှင်များသည် နံနက် ၁၁ နာရီခွဲတွင် မင်္ဂလာဒုံမြို့နယ်ရှိ တပ်မတော် အရိုးရောဂါအထူးကုဆေးရုံကြီး ခုတင်-၅၀၀ သို့သွားရောက်ပြီး PPE ဝတ်စုံနှင့် Surgical Mask များပေးအပ်လှူဒါန်းရာ တပ်မတော်အရိုးရောဂါအထူးကုဆေးရုံကြီး ခုတင်-၅၀၀ တပ်မှူး ဗိုလ်မှူးချုပ်
လှအောင်မှ လက်ခံရယူခဲ့သည်။
အဆိုပါအခမ်းအနားတွင် တပ်မတော် အရိုးရောဂါအထူးကုဆေးရုံကြီး ခုတင်- ၅၀၀ တပ်မှူး ဗိုလ်မှူးချုပ်လှအောင်က ဆေးရုံအတွင်း ကျန်းမာရေးစောင့်ရှောက် မှုလုပ်ငန်းများဆောင်ရွက်ရာတွင် PPE ဝတ်စုံအသုံးပြုမှုနှင့်ပတ်သက်၍ ရှင်းလင်း ပြောကြားပြီး YMBA အသင်းဗဟိုဥက္ကဋ္ဌ နှင့် မြန်မာအိပ်မက်အလင်းရှင်အသင်းမှ အလှူရှင် MD ဦးမင်းမြတ်ဦးတို့က လှူဒါန်း ရခြင်းအကြောင်းအား ရှင်းလင်းပြောကြား ခဲ့သည်။
ယင်းသို့လှူဒါန်းရာတွင် YMBA အသင်းကြီး၏ဦးဆောင်မှုဖြင့် မြန်မာအိပ်မက်အလင်းရှင်အသင်း အလှူရှင်များက တပ်မတော်ဆေးရုံ ခုတင်-၅၀၀သို့ PPE ဝတ်စုံ အစုံ ၇၀၊ Surgical Mask အခု ၁၀၀၀ နှင့် တပ်မတော်အရိုးရောဂါအထူးကုဆေးရုံကြီး ခုတင်-၅၀၀ သို့ PPE ဝတ်စုံ ၆၁ စုံ၊ Surgical Mask အခု ၁၀၀၀ တို့အား ပေးအပ်လှူဒါန်းခဲ့ကြောင်း သိရှိရသည်။