မန္တလေးတိုင်းဒေသကြီး မိတ္ထီလာမြို့နယ် ဆင်စလွယ်-ဥယျဉ် ကျေးရွာချင်းဆက်လမ်းပေါ်ရှိ ရတနာ မဉ္စူတံတား တည်ဆောက်ခြင်းလုပ်ငန်း ရာနှုန်း ပြည့်ပြီးစီးပြီ ဖြစ်ကြောင်း တံတားတည်ဆောက်ရေး တာဝန်ခံထံမှ သိရသည်။
မိတ္ထီလာမြို့နယ် မွေးကျေးရွာအုပ်စုအတွင်းရှိ ကျေးရွာများနှင့် အနီးပတ်ဝန်းကျင်ကျေးရွာမှ ဒေသခံ ပြည်သူများ၏ စီးပွားရေး၊ လူမှုရေး၊ ပညာရေး၊ ကျန်း မာရေးအတွက်အသုံးပြုလျက်ရှိသော ဆင်စလွယ်-ဥယျဉ် ကျေးရွာချင်းဆက်လမ်းပေါ်ရှိ ရတနာမဉ္စူတံတားမှာ ၂၀၂၁ ခုနှစ် ဇူလိုင် ၁၅ ရက် ညတွင် မိုးသည်းထန်စွာရွာသွန်းပြီး ချောင်းရေတိုက်စားမှုကြောင့် ကျိုးကျပျက်စီးခဲ့သည်။
ထိုသို့ ပျက်စီးခဲ့မှုကြောင့် ၂၀၂၀-၂၀၂၁ ဘဏ္ဍာနှစ် တိုင်းဒေသကြီးဘတ်ဂျက်ဖြင့် အရှည်ပေ ၁၄၀၊ အကျယ် ၁၈ ပေရှိ သံကူကွန်ကရစ်၊ သံပေါင်တံတားအမျိုးအစားကို စက်တင်ဘာ ၁ ရက်မှစတင်ပြီး ကျေးလက်လမ်းဖွံ့ဖြိုးရေး ဦးစီးဌာန (တံတားတည်ဆောက်ရေးအဖွဲ့)နေပြည်တော်မှ တာဝန်ယူ၍ တည်ဆောက်လျက်ရှိရာ တံတားတည်ဆောက်ခြင်း လုပ်ငန်းမှာ ယခုအခါ ရာနှုန်းပြည့်ပြီးစီးပြီ ဖြစ်ကြောင်း
သိရသည်။
ဦးစိုး