မကွေးတိုင်းဒေသကြီး၊ ပခုက္ကူမြို့နယ်၌ PDF အမည်ခံ အကြမ်းဖက်အဖွဲ့က ခရိုင်မြန်မာ့ အာမခံရုံးအား သေနတ်ပြခြိမ်းခြောက်၍ ငွေများလုယက်ယူဆောင်
နေပြည်တော်၊ မတ် ၂၉
မကွေးတိုင်းဒေသကြီး၊ ပခုက္ကူမြို့နယ်၌ PDF အမည်ခံ အကြမ်းဖက်အဖွဲ့က ခရိုင်မြန်မာ့ အာမခံရုံးအား သေနတ်ပြခြိမ်းခြောက်၍ ငွေများလုယက်ယူဆောင်ခဲ့ကြောင်း သိရသည်။
ဖြစ်စဉ်မှာ မတ်လ ၂၈ ရက်နေ့ မွန်းလွဲ ၁ နာရီခွဲအချိန်တွင် မကွေးတိုင်းဒေသကြီး၊ ပခုက္ကူ မြို့နယ်၊ အမှတ်(၁)ရပ်ကွက်ရှိ ခရိုင်မြန်မာ့အာမခံရုံ; အရှေ့သို့ PDF အမည်ခံ အကြမ်းဖက်သမား ၇ ဦးက ဆိုင်ကယ် ၄ စီးဖြင့် သေနတ်များ ကိုယ်စီကိုင်ဆောင်ကာ ရောက်ရှိလာပြီး ရုံးအတွင်းသို့ ဝင်ရောက်လာကာ ရုံးအတွင်းရှိနေသည့် ခရိုင်တာဝန်ခံ ဒေါ်ခင်မျိုးသီ(၅၉)နှစ် (ဘ) ဦးသန်းမောင်ပါ ဝန်ထမ်း ၉ ဦးတို့အား သေနတ်ပြခြိမ်းခြောက်၍ ငွေကျပ် ၃,၂၃၈,၀၀၀ ခန့်၊ လက်ကိုင်ဖုန်း ၆ လုံး၊ မှတ်ပုံတင်နှင့် ဝန်ထမ်းကတ်များအား လုယက်ယူဆောင်ကာ ဆိုင်ကယ်များ ဖြင့် ပြန်လည် မောင်းနှင် ထွက်ပြေးသွားခဲ့ကြောင်း သိရသည်။
အထက်ပါဖြစ်စဉ်မှ ခရိုင်မြန်မာ့အာမခံရုံးဝင်းအတွင်းသို့ ဝင်ရောက်ကာ ရုံးအတွင်းရှိ ဝန်ထမ်းများအား သေနတ်ပြခြိမ်းခြောက်၍ ငွေများအား လုယက်ယူဆောင်သွားခဲ့သည့် အကြမ်း ဖက်သမားများအား ဖော်ထုတ်ဖမ်းဆီး၍ ဥပဒေနှင့်အညီ ထိရောက်စွာ အရေးယူနိုင်ရေး လုံခြုံရေး တပ်ဖွဲ့ဝင်များက ပိတ်ဆို့စစ်ဆေးမှုများ ဆက်လက်ဆောင်ရွက်လျက်ရှိကြောင်း သတင်းရရှိသည်။