ယနေ့ဓာတ်ခွဲနမူနာ စုစုပေါင်း ၈၇၆၁ ခုအား စစ်ဆေးခဲ့ရာ ပိုးတွေ့လူနာသစ် ၁၇ ဦးတွေ့ရှိ၊ ရောဂါပိုးတွေ့ရှိမှု သုည ဒသမ ၁၉ ရာခိုင်နှုန်းရှိ
နေပြည်တော် ဧပြီ ၂၇
ကျန်းမာရေးဝန်ကြီးဌာန အနေဖြင့် ကိုဗစ်-၁၉ သံသယလူနာများ၊ ဓာတ်ခွဲအတည်ပြုလူနာနှင့် အနီးကပ် ထိတွေ့ခဲ့သူများနှင့် အသွားအလာ ကန့်သတ်ထားရှိသူများအား ကိုဗစ်-၁၉ ရောဂါ ရှိ၊ မရှိ ဓာတ်ခွဲစမ်းသပ်စစ်ဆေးခြင်းအား ပုံမှန်ဆောင်ရွက်လျက်ရှိပြီး ၂၆-၄-၂၀၂၂ ရက် ည ၈ နာရီမှ ၂၇-၄-၂၀၂၂ ရက် ည ၈ နာရီအတွင်း ဓာတ်ခွဲနမူနာ စုစုပေါင်း ၈၇၆၁ ခုအား စစ်ဆေးပြီးစီးခဲ့ရာ ကိုဗစ်-၁၉ ရောဂါ ဓာတ်ခွဲအတည်ပြု လူနာသစ် ၁၇ ဦးတွေ့ရှိရသည်။ ထို့ကြောင့် ယနေ့အတွက် ရောဂါပိုးတွေ့ရှိမှု ရာခိုင်နှုန်းမှာ သုည ဒသမ ၁၉ ရာခိုင်နှုန်းရှိသည်။
သို့ဖြစ်ပါ၍ ယနေ့အထိ ဓာတ်ခွဲနမူနာ စုစုပေါင်း ၇၉၂၄၇၂၁ ခုအား စစ်ဆေးခဲ့ပြီး ကိုဗစ်-၁၉ ဓာတ်ခွဲအတည်ပြု လူနာစုစုပေါင်း ၆၁၂၈၀၂ ဦးရှိပြီဖြစ်သည်။
ဓာတ်ခွဲအတည်ပြု လူနာများအား နေအိမ်တွင် သီးခြားထားရှိခြင်းနှင့် ဆေးရုံများတွင် သီးခြားထားရှိ ကုသမှုပေးခြင်းများ ဆောင်ရွက်ခဲ့ရာ ယနေ့တွင် ပြန်လည်ကောင်းမွန်လာသူ ၂၅ ဦးရှိသဖြင့် ယနေ့အထိ ပြန်လည် ကောင်းမွန်လာသူ စုစုပေါင်း ၅၉၁၇၄၀ ဦး ရှိပြီဖြစ်သည်။ ယနေ့တွင် ကိုဗစ်-၁၉ ရောဂါဖြင့် သေဆုံးသူမရှိသဖြင့် ယနေ့ အထိ သေဆုံးသူစုစုပေါင်း ၁၉၄၃၄ ဦးရှိ သည်။
သို့ဖြစ်ပါ၍ ၃-၄-၂၀၂၂ ရက်မှစ၍ ယနေ့အထိ ၂၅ ရက် ဆက်တိုက် ကိုဗစ်-၁၉ ရောဂါပိုးတွေ့ရှိမှုနှုန်းမှာ ၁ ရာခိုင်နှုန်း အောက်သို့ လျော့နည်းလျက် ရှိနေပါကြောင်း နှင့် ၇-၄-၂၀၂၂ ရက်မှစတင်၍ ယနေ့အထိ ၂၁ ရက်ဆက်တိုက် ကိုဗစ်-၁၉ ရောဂါ ဖြင့် သေဆုံးသူ မရှိခဲ့ကြောင်း တွေ့ရှိရသည်။
ကိုဗစ်-၁၉ ရောဂါ ကာကွယ်ထိန်းချုပ်ရေး အတွက် တိုင်းဒေသကြီး/ပြည်နယ်များတွင် ကိုဗစ်-၁၉ ရောဂါ ကာကွယ်ဆေးကို ဦးတည် အုပ်စုများသတ်မှတ်၍ ထိုးနှံပေးလျက်ရှိရာ ၂၆-၄-၂၀၂၂ ရက်အထိ လူဦးရေ စုစုပေါင်း ၃၀၁၄၂၈၉၅ ဦးအား ထိုးနှံပေးပြီးဖြစ်၍ ပထမအကြိမ် ထိုးနှံပြီးစီးသူ ၇၀၂၈၄၆၇ ဦး၊ ကာကွယ်ဆေးအကြိမ်ပြည့် ထိုးနှံပြီးစီးသူ ၂၃၁၁၄၄၂၈ ဦးနှင့် ထပ်ဆောင်းကာကွယ် ဆေးထိုးနှံပြီးစီးသူ ၁၃၆၉၂၄၉ ဦးရှိပြီဖြစ်သည်။ သို့ဖြစ်ပါ၍ ၂၆-၄-၂၀၂၂ ရက် အထိ မြန်မာနိုင်ငံတွင် ကိုဗစ်-၁၉ ရောဂါ ကာကွယ်ဆေးအကြိမ်ရေ စုစုပေါင်း ၅၄၆၂၆၅၇၂ ကြိမ်ထိုးနှံပြီးဖြစ်ကြောင်း ကျန်းမာရေး ဝန်ကြီးဌာနက သတင်းထုတ် ပြန်ထားသည်။