ရုရှားတပ်မတော်အနေဖြင့် ယူကရိန်းနိုင်ငံ အိုဒတ်ဆာမြို့အနီးရှိ ယူကရိန်းစစ်သင်္ဘောတစ်စင်းကို ဒုံးကျည်များဖြင့် တိုက်ခိုက်ဖျက်ဆီးလိုက်နိုင်ကြောင်း ရုရှားကာကွယ်ရေးဝန်ကြီးဌာနက မေ ၈ ရက်တွင် ထုတ်ပြန်သည်။
ရုရှားတပ်ဖွဲ့အနေဖြင့် ဆိုဗီယက်ခေတ်သုံးဒုံးကျည်တင် ကော်ဗက်စစ်ရေယာဉ် တစ်စင်းဖြစ်သည့် Project 1241 ကော်ဗက်စစ်ရေယာဉ်ကို ဒုံးကျည်များဖြင့်ပစ်ခတ်ခဲ့ခြင်းဖြစ်သည်ဟု ကာကွယ်ရေးဝန်ကြီးဌာန၏ ထုတ်ပြန်ချက်တွင် ဖော်ပြထားသည်။
အလားတူ ရုရှားလေကြောင်းရန် ကာကွယ်ရေးတပ်ဖွဲ့သည် မေ ၇ ရက် ညပိုင်းတွင် ပင်လယ်နက်ဒေသရှိ မြွေကျွန်းပေါ်မှ ဖြတ်ကျော်ပျံသန်းသော ယူကရိန်းလေတပ်မှ SU-24 ဗုံးကြဲလေယာဉ်နှစ်စင်းနှင့် Mi-24 ရဟတ်ယာဉ်တစ်စင်းတို့ကို ပစ်ချနိုင်ခဲ့ကြောင်း ကာကွယ်ရေးဝန်ကြီးဌာန၏ ထုတ်ပြန်ချက်တွင် တစ်ဆက် တည်း ဖော်ပြထားသည်။
ထို့ပြင် ရုရှားတပ်ဖွဲ့သည် ပြီးခဲ့သည့် ၂၄ နာရီအတွင်း စုစုပေါင်း ယူကရိန်းစစ်လေယာဉ် လေးစင်း၊ ရဟတ်ယာဉ် လေးစင်းနှင့် ချေမှုန်းရေး ရေယာဉ်တစ်စင်းတို့ကို တိုက်ခိုက်ဖျက်ဆီးလိုက်နိုင်ကြောင်း ကာကွယ်ရေး ဝန်ကြီးဌာနက ထုတ်ပြန်ထားသည်ကို တွေ့ရသည်။
Ref: TST