နေပြည်တော်၊ သြဂုတ် - ၉
ပဲခူးတိုင်းဒေသကြီး၊ မိုးညိုမြို့နယ်၊ ထန်းပင်ကုန်းကျေးရွာရှိ အိမ်ထောင်စု ၂၀ စုမှ ရေဘေးသင့်ပြည်သူ ၉၇ ဦးနှင့် ညောင်လေးပင်ကျေးရွာရှိ အိမ်ထောင်စု ၄၃ စုမှ ရေဘေးသင့် ပြည်သူ ၁၇၉ ဦး တို့ကို ယနေ့နံနက်ပိုင်းတွင် တောင်ပိုင်းတိုင်းစစ်ဌာနချုပ်၊ အင်းမတပ်နယ်မှ တပ်မတော်သားများက သွားရောက်တွေ့ဆုံ၍ ဆန်၊ ဆီ၊ ဆား၊ ပဲနှင့် စားသောက်ဖွယ်ရာများ ထောက်ပံ့ပေးအပ်သည်။
ထိုသို့ ဆောင်ရွက်ပေးနေမှုများကို တပ်နယ်မှ တာဝန်ရှိသူများက သွားရောက် ကြည့်ရှု၍ လိုအပ်သည်များညှိနှိုင်းဆောင်ရွက်ပေးခဲ့ကြောင်း သတင်းရရှိသည်။