“ E Market Place for Myanmar Products Platformတွင် ပြည်တွင်းထုတ်ကုန်များ ပါဝင်ပြသရောင်းချနိုင်ရေး ဖိတ်ခေါ်ခြင်း”
၁။ စက်မှုဝန်ကြီးဌာန၊ စက်မှုကြီးကြပ်ရေးနှင့် စစ်ဆေးရေး ဦးစီးဌာနသည် MSME များ ဖွံ့ဖြိုးတိုးတက်ရေး ဆောင်ရွက်လျက်ရှိရာတွင် MSME များ ဈေးကွက်ရရှိရေးနှင့် Digital စနစ်တွင် လိုက်ပါ ဆောင်ရွက်နိုင်ရေးအတွက် E Market Place for Myanmar Products Platform(emartmmp.gov.mm) ကို အကောင်အထည်ဖော် တည်ဆောက်ခဲ့ပါသည်။
၂။ E Market Platform တွင် နိုင်ငံပိုင်စီးပွားရေး လုပ်ငန်းများမှ ထုတ်ကုန်များ၊ MSMEထုတ်ကုန်များနှင့် စက်မှုဇုန်ထုတ်ကုန်များအား e-Commerce အဖြစ် ပြသရောင်းချနိုင်မည်ဖြစ်ပြီး ဝယ်ယူအသုံးပြုသူ Customer များထံ လျင်မြန်စွာ ပို့ဆောင်ပေးနိုင်ရေးအတွက် Delivery စနစ်များနှင့် ငွေပေးချေမှု မြန်ဆန်ရေးအတွက် e Payment စနစ်များ ချိတ်ဆက် အသုံးပြုထားရှိပါသည်။
၃။ သို့ဖြစ်ပါ၍ မိမိတို့ ထုတ်ကုန်များအား Platform မှတစ်ဆင့် ဖြန့်ချိရောင်းချလိုသော ပြည်တွင်းထုတ်ကုန် ထုတ်လုပ်သော လုပ်ငန်းများအနေဖြင့် စက်မှုဝန်ကြီးဌာန၊ စက်မှုကြီးကြပ်ရေးနှင့် စစ်ဆေးရေးဦးစီးဌာန၊ နည်းပညာနှင့် ဈေးကွက်မြှင့်တင်ရေးဌာန၊ ဖုန်း-၀၆၇-၃၄၀၈၃၉၄ သို့ ၂၈-၄-၂၀၂၃ ရက်နေ့ နောက်ဆုံးထား ချိတ်ဆက်ဆောင်ရွက်နိုင်ပါကြောင်း အသိပေး ကြေညာအပ်ပါသည်။
စက်မှုကြီးကြပ်ရေးနှင့် စစ်ဆေးရေးဦးစီးဌာန
စက်မှုဝန်ကြီးဌာန