အကယ်ဒမီပွဲကြို ရုပ်ရှင်ဇာတ်ဝင်တေးများ ဖျော်ဖြေပွဲ ပွဲစဉ်-၂ မြန်မာ့ရုပ်မြင်သံကြားမှ ထုတ်လွှင့်ပြသမည်
နေပြည်တော် မေ ၃
ပြည်သူများအပန်းပြေစေရန်၊ ပျော်ရွှင်စေရန်နှင့် စိတ်ခွန်အားသစ်များရရှိနိုင်ရန် အတွက် မြန်မာ့အသံနှင့် ရုပ်မြင်သံကြားမှ ဖျော်ဖြေရေးအစီအစဉ်များကို တိုးမြှင့် တင်ဆက်လျက်ရှိရာ Friday Night Live Show အစီအစဉ်ဆန်းသစ်မှုအဖြစ် အကယ်ဒမီပွဲကြို ရုပ်ရှင်ဇာတ်ဝင်တေးများ ဖျော်ဖြေ ပွဲ ပွဲစဉ်-ကြို ၂၀၂၃ ခုနှစ် မေလ ၅ ရက်သောကြာနေ့ ည ၈ နာရီ သတင်းများအပြီးတွင် MRTV-HD Channel မှ ထုတ်လွှင့် ပြသမည်ဖြစ်သည်။
အဆိုပါ အစီအစဉ်တွင် မြန်မာ့အသံ တေးဂီတ အဖွဲ့၏ တီးခတ်မှုနှင့်အတူ တေးသံရှင်များဖြစ်ကြသည့် စိုးအောင် (ကောင်းကင်ပြာ)၊ ရဲထိုက်၊ စိုးထက်အောင်၊ ချမ်းဟိန်းဝင်းထွန်း၊ စောထက်နေယံ၊ သဲနုဝါ၊ ခင်လပြည့်ဝန်း၊ ပူတူး၊ မြတ်ဆုချယ်နှင့် နန်းခိုင် သစ္စာတို့က သီဆိုဖျော်ဖြေကြမည်ဖြစ်ပြီး ထိုသို့တင်ဆက်မှုကို မေလ ၇ ရက် တနင်္ဂနွေနေ့ နံနက် ၁၀ နာရီခွဲတွင် ထပ်မံထုတ်လွှင့် ပြသမည်ဖြစ်ကြောင်း သိရသည်။