အမေရိကန်ခရီးသည်တင် လေယာဉ်တစ်စင်း၏ လေယာဉ်ပျံဘီးမှ တာယာ ပြုတ်ကျခြင်းကြောင့် လေယာဉ်အား လမ်းကြောင်း ပြောင်းလဲခဲ့ရ
အမေရိကန်လေကြောင်းလိုင်းမှ ခရီးသည်တင် လေယာဉ်တစ်စင်းသည် ပျံသန်းရန် လေဆိပ်မှ ထွက်ခွာပြီးနောက် လေယာဉ်ပျံဘီး မှ တာယာပြုတ်ကျခြင်းကြောင့် လေယာဉ် အား လမ်းကြောင်း ပြောင်းလဲလိုက်ရကြောင်း သိရသည်။
အမေရိကန်လေကြောင်းလိုင်းမှ Boeing 777-200 သည် ဆန်ဖရန်စစ္စကိုမြို့မှ ဂျပန်နိုင်ငံ အိုဆာကာမြို့သို့ ဦးတည်ပျံသန်းနေခြင်းဖြစ်ပြီး လေယာဉ်ဘီးမှ တာယာပြုတ်ကျခဲ့ပြီး ကားရပ်နားဝင်း အတွင်းရှိ မော်တော်ယာဉ် တစ်စီးအား ပျက်စီးစေခဲ့ခြင်းကြောင့် လော့စ်အိန်ဂျလိစ်မြို့သို့ လမ်းကြောင်း ပြောင်းလဲရခြင်း ဖြစ်ကြောင်း၊ ယင်းဖြစ်စဉ်အတွင်း ခရီးသည်တစ်ဦးတစ်ယောက်မျှ ဒဏ်ရာရရှိခဲ့ခြင်း မရှိကြောင်း သိရသည်။
သြနငညါ ၇၇၇-၂၀၀ လေယာဉ်၏ အဆင်းဘီးများတွင် တာယာခြောက်ခုစီ တပ်ဆင်ထား သောကြောင့် အကယ်၍ တာယာများ ပြုတ်ထွက်သွားပါက အန္တရာယ်ကင်းစွာဖြင့် ဆင်းသက်နိုင်စေမည် ဖြစ်ကြောင်း အမေရိကန်လေကြောင်းလိုင်းက ထုတ်ပြန်ချက် တစ်ရပ်တွင် ပြောသည်။
နောက်ပိုင်းတွင် Boeing 777-200 လေယာဉ်ပေါ်၌ လိုက်ပါလာသည့် ခရီး သည်များအား အခြားလေယာဉ် တစ်စင်းဖြင့် အိုဆာကာမြို့သို့ ပို့ဆောင်ခဲ့ပြီး လေယာဉ် ၏ လိုအပ်ချက်များကို ဖြေရှင်းနိုင်ရန် လုပ်ဆောင်မည်ဟု အဆိုပါလေကြောင်းလိုင်းက ဆက်လက် ထုတ်ပြန်သည်။