မြင်းခြံမြို့၌ ၂၀၂၃-၂၀၂၄ ပညာသင်နှစ် လူရည်ချွန် မောင်မယ်များအား ဂုဏ်ပြုဆုပေးအပ်
မန္တလေးတိုင်းဒေသကြီး မြင်းခြံမြို့၌ ၂၀၂၃-၂၀၂၄ ပညာသင်နှစ် လူရည်ချွန်မောင်မယ် များအား ဂုဏ်ပြုဆုပေးပွဲ အခမ်းအနားကို မေလ ၆ ရက် နံနက်ပိုင်းတွင် မြင်းခြံခရိုင် ပြန်ကြားရေးနှင့် ပြည်သူ့ဆက်ဆံရေး ဦးစီးဌာန စုပေါင်းခန်းမ၌ ကျင်းပသည်။
အခမ်းအနားတွင် ခရိုင်စီမံအုပ်ချုပ်ရေးအဖွဲ့ ဥက္ကဋ္ဌ ဦးမင်းအောင်က လူရည်ချွန်မောင်မယ်များအတွက် ချီးကျူး ဂုဏ်ပြုစကားနှင့် အဖွင့်အမှာစကား ပြောကြားသည်။ ထို့နောက် ၂၀၂၃-၂၀၂၄ ပညာသင်နှစ် လူရည်ချွန်မောင်မယ် ငါးဦးအား ခရိုင်စီမံအုပ်ချုပ်ရေးအဖွဲ့ ဥက္ကဋ္ဌ ဦးမင်းအောင်၊ ခရိုင်အမျိုးသမီးရေးရာ အသင်း ဥက္ကဋ္ဌ ဒေါ်လေးလေးနိုင်နှင့် တာဝန်ရှိသူများက ဂုဏ်ပြုဆုငွေများ ပေးအပ်ကြသည်။
မြင်းခြံမြို့နယ်မှ ၂၀၂၃-၂၀၂၄ ပညာသင်နှစ်တွင် လူရည်ချွန်မောင်မယ် ငါးဦး ဖြေဆို အောင်မြင်ကြောင်း သိရသည်။