ဆဋ္ဌမအကြိမ်မြောက် မြန်မာ-အိန္ဒိယ နှစ်နိုင်ငံလေတပ်ချင်း တွေ့ဆုံဆွေးနွေးပွဲကျင်းပ

 

ဆဋ္ဌမအကြိမ်မြောက် မြန်မာ-အိန္ဒိယ နှစ်နိုင်ငံလေတပ်ချင်း တွေ့ဆုံဆွေးနွေးပွဲကျင်းပ

နေပြည်တော်၊ ၂၀၂၄ မေ ၁၇

ဆဋ္ဌမအကြိမ်မြောက် မြန်မာ-အိန္ဒိယနှစ်နိုင်ငံလေတပ်ချင်း တွေ့ဆုံဆွေးနွေးပွဲသို့ တက်ရောက်ရန် အိန္ဒိယလေတပ်မှ Assistant Chief of the Air Staff (Intelligence) ဖြစ်သူ Air Vice Marshal Ichettira Iyappa Kuttappa VM VSM ဦးဆောင်သော ကိုယ်စားလှယ်အဖွဲ့သည် မေလ ၁၃ ရက် ညနေပိုင်းတွင် နေပြည်တော်သို့ ရောက်ရှိလာရာ တပ်မတော်(လေ)မှအရာရှိကြီးများ၊ မြန်မာနိုင်ငံ ဆိုင်ရာ အိန္ဒိယစစ်သံမှူးနှင့် တာဝန်ရှိသူများက နေပြည်တော်လေဆိပ်တွင် ကြိုဆိုနှုတ်ဆက် ခဲ့ကြသည်။

မေလ ၁၄ ရက်တွင် ဆဋ္ဌမအကြိမ်မြောက် မြန်မာ-အိန္ဒိယနှစ်နိုင်ငံ လေတပ်ချင်း တွေ့ဆုံ ဆွေးနွေးပွဲအား နေပြည်တော်လေတပ်စခန်း၌ ကျင်းပပြုလုပ်ခဲ့ရာ ဆွေးနွေးပွဲသို့ တပ်မတော် (လေ)မှ အနောက်ပိုင်း လေတပ်ကွပ်ကဲမှုဌာနချုပ်၊ လေတပ်ကွပ်ကဲမှု ဌာနချုပ်မှူး ဦးဆောင်သော ကိုယ်စားလှယ်အဖွဲ့ဝင်များ၊ အိန္ဒိယလေတပ်မှ Assistant Chief of the Air Staff (Intelligence) ဖြစ်သူ Air Vice Marshal Ichettira Iyappa Kuttappa VM VSM ဦးဆောင်သော ကိုယ်စားလှယ်အဖွဲ့ဝင်များ၊ မြန်မာနိုင်ငံဆိုင်ရာ အိန္ဒိယစစ်သံမှူးနှင့် တာဝန်ရှိသူများ တက်ရောက်ကြသည်။

ဦးစွာအနောက်ပိုင်းလေတပ်ကွပ်ကဲမှုဌာနချုပ်၊ လေတပ်ကွပ်ကဲမှုဌာနချုပ်မှူးနှင့် အိန္ဒိယလေတပ်မှ Assistant Chief of the Air Staff (Intelligence) ဖြစ်သူ Air Vice Marshal Ichettira Iyappa Kuttappa VM VSM တို့က အဖွင့်အမှာစကားများ အသီးသီးပြောကြားကြ သည်။ ထို့နောက် ကျင်းပ ပြီးစီးခဲ့သော ပဉ္စမအကြိမ် အိန္ဒိယ-မြန်မာ နှစ်နိုင်ငံ လေတပ်ချင်း  ဆွေးနွေးပွဲ ဆုံးဖြတ်ချက်များနှင့် ဆောင်ရွက်ပြီးစီးမှုများအား ဖတ်ကြားရှင်းလင်းပြီး ဆဋ္ဌမအကြိမ် မြန်မာ-အိန္ဒိယနှစ်နိုင်င ံလေတပ်ချင်း အစည်းအဝေး ခေါင်းစဉ်များအား နှစ်နိုင်ငံကိုယ်စားလှယ်များက အသီးသီး ဆွေးနွေးခဲ့ကြသည်။ ထို့နောက် အမှတ်တရ လက်ဆောင်များ အပြန်အလှန် ပေးအပ်ခဲ့ကြပြီး စုပေါင်းဓာတ်ပုံရိုက်ကူးကြသည်။ PARK ROYAL HOTEL၌ အစည်းအဝေး ပြီးမြောက်ခြင်း အထိမ်းအမှတ်ညစာစားပွဲအား တပ်မတော် (လေ)က တည်ခင်းဧည့်ခံခဲ့သည်။

 

မေလ ၁၅ ရက်တွင် အဆိုပါအိန္ဒိယ ကိုယ်စားလှယ်အဖွဲ့သည် နေပြည်တော်ရှိ အထင်ကရနေရာ များဖြစ်သည့်  တပ်မတော်စစ်သမိုင်းပြတိုက်၊ သူရဲကောင်းဗိမာန်၊ ကျောက်မျက်ရတနာပြတိုက်သို့ သွားရောက်လေ့လာခဲ့ပြီး  ဥပ္ပါတသန္တိစေတီတော်မြတ်ကြီးနှင့် မာရဝိဇယ ဗုဒ္ဓရုပ်ပွားတော်မြတ်ကြီး တို့အား သွားရောက်ဖူးမြော်ကြည်ညိုခဲ့ကြသည်။

မေလ ၁၆ ရက်တွင် Assistant Chief of the Air Staff (Intelligence) ဖြစ်သူ Air Vice  Marshal Ichettira Iyappa Kuttappa VM VSM ဦးဆောင်သော ကိုယ်စားလှယ်အဖွဲ့သည် လေကြောင်းအတတ်သင် လေတပ်စခန်းဌာနချုပ်သို့ သွားရောက်ခဲ့ရာ တာဝန်ရှိသူ တစ်ဦးက လေကြောင်းစစ်ဆင်ရေး သင်တန်းကျောင်း၊ အစည်းအဝေး ခန်းမတွင် တပ်သမိုင်းအား Power Point ဖြင့် ရှင်းလင်းခဲ့ပြီး လက်ဆောင်ပစ္စည်းများ အပြန်အလှန်လဲလှယ်ခဲ့ကြသည်။  ထို့နောက် လေယာဉ်ရုံအမှတ်(၁)အား ဆက်လက်ကြည့်ရှုလေ့လာပြီး  အမှတ်တရစုပေါင်း ဓာတ်ပုံရိုက်ကူး ခဲ့ကြသည်။ ၎င်းနောက် မွန်းလွဲပိုင်းတွင် ဗိုလ်ချုပ်အောင်ဆန်းဈေးသို့ လှည့်လည်ကြည့်ရှု လေ့လာခဲ့ပြီး ရွှေတိဂုံစေတီတော်မြတ်ကြီးအား ဖူးမြော်ကြည်ညိုခဲ့ကြသည်။

မေလ ၁၇ ရက် နံနက်ပိုင်းတွင် အိန္ဒိယလေတပ်မှ Assistant Chief of the Air Staff (Intelligence) ဖြစ်သူ Air Vice Marshal Ichettira Iyappa Kuttappa VM VSM ဦးဆောင်သော ကိုယ်စားလှယ် အဖွဲ့ဝင်များသည် ရန်ကုန်မြို့မှ အိန္ဒိယနိုင်ငံသို့ ပြန်လည် ထွက်ခွာကြရာ တပ်မတော်(လေ)မှ အရာရှိကြီးများ၊ မြန်မာနိုင်ငံဆိုင်ရာ အိန္ဒိယစစ်သံမှူး Colonel Jaswinder Singh Gill နှင့် တာဝန်ရှိသူတို့က ရန်ကုန်အပြည်ပြည်ဆိုင်ရာ လေဆိပ်၌ ပို့ဆောင်နှုတ်ဆက် ခဲ့ကြကြောင်း သတင်းရရှိသည်။