ကလေးငယ်များအား ပုံမှန်ကာကွယ်ဆေး ထိုးနှံပေးလျက်ရှိ

 

ကလေးငယ်များအား ပုံမှန်ကာကွယ်ဆေး ထိုးနှံပေးလျက်ရှိ

 

သရက်  ဇွန်  ၆

    မကွေးတိုင်းဒေသကြီး  သရက်မြို့၌ မွေးကင်းစမှ အသက်တစ်နှစ်ခွဲထိ  ကလေးငယ်များကို  ပုံမှန်ကာကွယ်ဆေးထိုးနှံပေးခြင်းကို ဇွန်လ ၆ ရက် နံနက်ပိုင်းတွင်  ပြည်တော်အေးရပ်ကွက် ဆင်ဖြူတော်ဘုရားကြီးဓမ္မာရုံ၌  မြို့ပေါ်ရှစ်ရပ်ကွက်မှ မွေးကင်းစမှ အသက် တစ်နှစ်ခွဲထိ ကလေးငယ်များကို   ပုံမှန်ကာကွယ်ဆေး ထိုးနှံပေးလျက်ရှိကြောင်း သိရသည်။

ကာကွယ်ဆေး    ထိုးနှံပေးရာတွင် မွေးကင်းစမှ   အသက်  တစ်နှစ်ခွဲထိ ကလေးငယ်များကို ပုံမှန်ကာကွယ်ဆေး ထိုးနှံပေးရာတွင် အသက် နှစ်လကလေးငယ်များကို ဘီစီဂျီ၊   ပြင်းထန်ဝမ်းပျက်ဝမ်းလျှော၊ ပိုလီယို၊ ပြင်းထန်အဆုတ်ရောင်၊ ဆုံဆို့၊ ကြက်ညှာ၊ အသည်းရောင်အသားဝါ (ပထမအကြိမ်)၊ လေးလအရွယ် ကလေးငယ်များကို ပိုလီယို၊  ပြင်းထန်အဆုတ်ရောင်၊ ဆုံဆို့၊ ကြက်ညှာ၊ မေးခိုင်၊  အသည်းရောင်အသားဝါ(ဘီ)၊ ဦးနှောက်အမြှေးရောင် (ဒုတိယ)အကြိမ်၊ ခြောက်လတွင် (တတိယအကြိမ်)ထိုးနှံရပြီး   အသက်ကိုးလတွင် ဂျပန်ဦးနှောက်ရောင်၊ ဝက်သက်၊ ဂျိုက်သိုး(ပထမ)အကြိမ်နှင့် အသက်တစ်နှစ်ခွဲတွင် ဆုံဆို့၊  ကြက်ညှာ၊ မေးခိုင်၊  အသည်းရောင်အသားဝါ(ဘီ)၊ ဦးနှောက်အမြှေးရောင်  (ငါးမျိုးစပ်)  ကာကွယ်ဆေးများကို စတုတ္ထအကြိမ်နှင့်  ဝက်သက်-ဂျိုက်သိုး ကာကွယ်ဆေးများကို ဒုတိယအကြိမ် ထိုးနှံပေးလျက်ရှိကြောင်း သိရသည်။