ထိုင်းနိုင်ငံရှိဒေသ အများစု၌ ကိုဗစ်-၁၉ ရောဂါကူးစက်ပျံ့နှံ့မှု လျော့ကျလာပြီ ဖြစ်သဖြင့် နိုင်ငံတစ်ဝန်းရှိ စာသင်ကျောင်း များနှင့် စီးပွားရေး လုပ်ငန်းများ ပြန်လည်ပတ်နိုင်ရန် ချမှတ်ထားသော ကန့်သတ်ချက်အချို့ကို တာဝန်ရှိသူများက ဖြေလျှော့ပေးလိုက်ကြောင်း သိရသည်။
ဝန်ကြီးချုပ် ပရာယုချန်အိုချာဦးဆောင် ပြုလုပ်သော ဆွေးနွေးပွဲ၌ ကိုဗစ်-၁၉ ရောဂါကူးစက်မှုအဖြစ် အများဆုံးဒေသဟု သတ်မှတ်ခံရသောဒေသကို ၂၈ ခုမှ ငါးခုသို့ လျှော့ချသတ်မှတ်ပြီး ခရိုင်အားလုံးရှိ စာသင်ကျောင်းများကို ပြန်ဖွင့်ခွင့်ပြုကြောင်း ကိုဗစ်-၁၉ ရောဂါအခြေအနေစောင့်ကြည့်ရေးဌာနမှ ပြောရေးဆိုခွင့်ရှိသူ တာဝီဆစ်ဝီဆာ နျူယိုသင်က ပြောသည်။
စားသောက်ဆိုင်များ အပါအဝင် စီးပွားရေးလုပ်ငန်းအများစုကို ပုံမှန်အတိုင်း ပြန်လည်ပတ်ခွင့်ပြုမည်ဖြစ်ပြီး လောင်းကစားရုံများကိုမူ ဆက်ပိတ်ထားမည်ဖြစ်သည်။
ဒီဇင်ဘာလလယ်မှစ၍ အစုလိုက်အပြုံလိုက်ဗိုင်းရပ်ကူးစက်မှု ဖြစ်ပွားသော စမွတ်စခွန်ပြည်နယ်ရှိဒေသများကိုမူ ဆက်လက်ပိတ်ထားဦးမည် ဖြစ်သည်။
ထိုင်းနိုင်ငံ၌ ပြီးခဲ့သည့် ၂၄ နာရီအတွင်း ကိုဗစ်-၁၉ ရောဂါကူးစက်ခံရသူ ၈၀၂ ဦးရှိပြီး ယနေ့အထိ ရောဂါဖြစ်ပွားသူ စုစုပေါင်း ၁၇၀၂၃ ဦး ရှိကြောင်း ကျန်းမာရေးဝန်ကြီးဌာနက ဇန်နဝါရီ ၂၉ ရက်တွင် ထုတ်ပြန်ထားသည်။
Ref: TST