နေပြည်တော် ဖေဖော်ဝါရီ ၂
ကျန်းမာရေးနှင့်အားကစားဝန်ကြီးဌာနက ယနေ့ ည ၈ နာရီတွင် COVID-19 ရောဂါစောင့်ကြပ်ကြည့်ရှုမှုနှင့်ပတ်သက်၍ သတင်းထုတ်ပြန်ချက်အရ ယနေ့ဓာတ်ခွဲအဖြေများ၌ COVID-19 ရောဂါပိုးတွေ့လူနာ ၃၁၀ ဦးနှင့် သေဆုံးသူ ရှစ်ဦးရှိကြောင်း သိရသည်။
(၂၃-၃-၂၀၂၀)ရက်မှ (၁-၂-၂၀၂၁)ရက်အထိ တွေ့ရှိရသော ဓာတ်ခွဲအတည်ပြုလူနာ ၁၄၀၃၅၄ ဦး၏ မြို့နယ်အလိုက် တွေ့ရှိရမှု အခြေအနေကို ယနေ့ည ၆ နာရီတွင် သတင်းထုတ်ပြန်ခဲ့သည်။
(၁-၂-၂၀၂၁)ရက် ည ၈ နာရီမှ (၂-၂-၂၀၂၁)ရက် ည ၈ နာရီအတွင်း ဓာတ်ခွဲနမူနာစုစုပေါင်း ၁၂၃၇၇ ခုအား စစ်ဆေးပြီးစီးခဲ့ရာ COVID-19 ရောဂါဓာတ်ခွဲအတည်ပြု လူနာသစ် ၃၁၀ ဦးတွေ့ရှိရကြောင်း ကျန်းမာရေး နှင့်အားကစားဝန်ကြီးဌာနက သတင်းထုတ်ပြန်ထားသည်။