SJ WorldNews - шаблон joomla Авто

မြန်မာနိုင်ငံသည် ဝါးထွက်ရှိမှု တတိယ အများဆုံး နိုင်ငံဖြစ်သော်လည်း ဝါးလုပ်ငန်းမှ ရရှိသည့် နိုင်ငံခြားဝင်ငွေ နည်းပါးနေ

Monday, 24 September 2018 10:41 font size decrease font size decrease font size increase font size increase font size

ရန်ကုန်  စက်တင်ဘာ  ၂၃                           

 မြန်မာနိုင်ငံသည် တရုတ်နှင့် အိန္ဒိယ နိုင်ငံတို့ပြီးလျှင် ဝါးထွက်ရှိမှု တတိယ အများဆုံးနိုင်ငံဖြစ်သော်လည်း ဝါးလုပ်ငန်းမှ နိုင်ငံခြားဝင်ငွေရရှိမှုမှာ  နည်းပါးနေသေးကြောင်း ရန်ကုန်တိုင်းဒေသကြီး သစ်တောဦးစီးဌာန ညွှန်ကြားရေးမှူး ဦးသိန်းတိုးထံမှ သိရသည်။

ပဲခူးရိုးမ၊ ရခိုင်ရိုးမနှင့်  တနင်္သာရီတိုင်း ဒေသကြီးတို့၌ ဝါးပင်များ အလေ့ကျ ပေါက်ရောက်လျက်ရှိကာ  စုစုပေါင်း ဝါးဧကပေါင်း ၁ ဒသမ ၇ သန်းကျော် ပေါက်ရောက်ပြီး သစ်တောဦးစီးဌာန၏ တိုင်းဒေသကြီးနှင့် ပြည်နယ်အလိုက် စာရင်းများအရ   နှစ်စဉ်ပျမ်းမျှဝါး ထုတ်လုပ်မှုတန်ချိန် ၆၃ ဒသမ ၂ သန်းကျော်ရှိပြီး ပြည်ပသို့တင်ပို့မှုမှ နှစ်စဉ် အမေရိကန်ဒေါ်လာ ၅ သန်းခန့် ရရှိသည်။

''ကမ္ဘာပေါ်မှာ  တရုတ်နဲ့အိန္ဒိယနိုင်ငံတို့  ပြီးရင် မြန်မာနိုင်ငံက ဝါးစိုက်ပျိုးမှု အများဆုံး ဖြစ်တယ်။ ဒါပေမဲ့ ပြည်ပကို တင်ပို့မှုကနေ ရရှိတဲ့ဝင်ငွေက တရုတ်နဲ့  ထိုင်းနိုင်ငံတို့နဲ့ ယှဉ်ရင်   တော်တော်နည်းပါးနေသေးတာတွေ့ရတယ်''ဟု ဦးသိန်းတိုး ကပြောသည်။

မြန်မာနိုင်ငံ၌      ဝါးတောဧရိယာကျယ်ပြန့်စွာ ပိုင်ဆိုင်ထားသော်လည်း ဝင်ငွေရရှိမှုသည်   တရုတ်၊ ထိုင်းနိုင်ငံတို့နှင့်  နှိုင်းယှဉ်ပါက ၂ဝ၁၆ ခုနှစ်တွင် တရုတ်နိုင်ငံ၏ ဝါးနှင့်ကြိမ်ပစ္စည်း ထုတ်ကုန်မှရရှိသည့် နိုင်ငံခြားဝင်ငွေသည် အမေရိကန်ဒေါ်လာ ၁ ဒသမ ၃ ဘီလီယံရှိပြီး  နှစ်စဉ်မြန်မာနိုင်ငံ၏ ကြိမ်ဝါးထုတ်ကုန်မှ နိုင်ငံခြားဝင်ငွေ ပျမ်းမျှ အမေရိကန်ဒေါ်လာ ၅ သန်းခန့်သာရှိကြောင်း သိရသည်။

ဝါးသယံဇာတသည် ဘက်စုံအသုံးဝင်သည့် သဘာဝသယံဇာတဖြစ်ပြီး စားသောက်ကုန်မှအစ   လယ်ယာသုံး၊  အိမ်သုံးပစ္စည်းများ၊ လူနေအိမ် အဆောက်အအုံများနှင့် စက်မှုကုန်ကြမ်းများအဖြစ်    အသုံးဝင်ပြီး ရာသီဥတုပြောင်း လဲမှုကိုလည်း  ကာကွယ်ပေးသည့်အတွက် စနစ်တကျ တိုးချဲ့စိုက်ပျိုး သင့်ကြောင်း သိရသည်။

Read 30 times Last modified on Monday, 24 September 2018 10:41