နျူကလီးယား တပ်ဖွဲ့၏ တိုက်ပွဲဝင်အသင့်ဖြစ်မှုကို ပြသရန်အတွက် တိုက်ချင်းပစ် ဒုံးကျည်အား အမေရိကန် စမ်းသပ်ပစ်ခတ်
အမေရိကန်လေတပ်မှ ကမ္ဘာလုံးဆိုင်ရာ တိုက်ခိုက်ရေး စစ်ဌာနချုပ်သည် ၎င်းတို့၏ Minuteman III တိုက်ချင်းပစ်ဒုံးကျည်တစ်စင်းအား ကယ်လီဖိုးနီးယား ပြည်နယ်တွင် စမ်းသပ်ပစ်ခတ်ခဲ့ကြောင်း သိရသည်။
ကမ္ဘာလုံးဆိုင်ရာတိုက်ခိုက်ရေး စစ်ဌာနချုပ်သည် အဆိုပါတိုက်ချင်းပစ် ဒုံးကျည်အား ဖေဖော်ဝါရီလ ၁၉ ရက် ပစိဖိတ်စံတော်ချိန် နံနက် ၁ နာရီ ခန့်က ကယ်လီဖိုးနီးယားပြည်နယ်ရှိ ဗန်ဒါဘာ့ အာကာသတပ်ဖွဲ့၏ အခြေစိုက်စခန်းတွင် ပစ်ခတ်စမ်းသပ်ခြင်းဖြစ်ကြောင်း စစ်ဌာနချုပ်၏ ဝက်ဆိုက်တွင် ဖော်ပြထားသည်။
ယခုလုပ်ဆောင်သည့် တိုက်ချင်းပစ်ဒုံးကျည် စမ်းသပ်မှုသည် အမေရိကန်နျူကလီးယား တပ်ဖွဲ့၏ တိုက်ပွဲဝင်အသင့်ဖြစ်မှုနှင့် အမေရိကန်နျူကလီးယား တားဆီးရေးစနစ်၏ အစွမ်းထက်မြက်မှုအပေါ် ယုံကြည်မှုရှိစေရန် ထုတ်ဖော်ပြသခြင်းဖြစ်သည်ဟု အမေရိကန်ကမ္ဘာလုံးဆိုင်ရာ တိုက်ခိုက်ရေး စစ်ဌာနချုပ်က ထုတ်ပြန်ခဲ့ကြောင်း သိရသည်။