စိတ်ဝယ်ရည်စူး၊ ဦးခိုက်ဖူး၍ ကြည်နူးမျှဝေ ဖော်ညွှန်းခြွေ
မြန်မာနိုင်ငံသည် ထေရဝါဒဗုဒ္ဓဘာသာ ထွန်းကားသောနိုင်ငံ ဖြစ်ရုံသာမက တိကျမှန်ကန်သန့်စင်သော ထေရဝါဒဗုဒ္ဓသာသနာ တည်ရှိရာနိုင်ငံဟု အသိအမှတ် ပြုထားခြင်းခံရသော နိုင်ငံဖြစ်ပါသည်။ မြန်မာ့ယဉ်ကျေးမှုနှင့် မြန်မာ့လူနေမှုဘဝသည် ထေရဝါဒ ဗုဒ္ဓသာသနာတွင် အခြေခံ၍ ပေါ်ထွန်းလာခဲ့ခြင်းဖြစ်သည့်အတွက် ဆက်လက်တည်တံ့ရှင်သန်ရေးသည် သာသနာပြန့်ပွားမှု အပေါ်တွင် လုံးဝတည်မှီနေသည်။ ထို့ကြောင့် မြန်မာ့ယဉ်ကျေးမှု၏ ဇာစ်မြစ်ဖြစ်သည့် ထေရဝါဒသာသနာတော်ကို ပြည်ပသို့တိုင်ပျံ့နှံ့စေရန် နိုင်ငံသူ၊ နိုင်ငံသားအားလုံးက အဘက်ဘက်မှ ကြိုးပမ်းဆောင်ရွက်လျက် ရှိနေကြသည်။