ငယ်ဘဝ
ယမန်နေ့မှအဆက်
ဆရာမပြောသည့်စကား မောင်ငြိမ်းချမ်း စွဲမြဲစွာ မှတ်မိပါသည်။ ခြောက်တန်းနှစ်ရောက်သောအခါ ကျောင်းပိတ်ရက်တွင် အိမ်ရှေ့ပိတောက်ပင်အောက်မှ ကွပ်ပျစ်ပေါ်မှာ စာဖတ်နေစဉ် လမ်းပေါ်မှာ ဗိုင်းခနဲလဲသံကြားရသည်။ မောင်ငြိမ်းချမ်း အမှတ်မထင်လှမ်းကြည့်လိုက်သောအခါ သူ့အရွယ်ကောင်မလေးနှစ်ယောက် လမ်းပေါ်မှာ စက်ဘီးလဲ၍ ဒူးပေါ်ပေါင်ပေါ်
ဖြစ်နေကြသည်။ မောင်ငြိမ်းချမ်းက မကြားချင်ယောင် မသိချင်ယောင်ဆောင်ပြီး လက်ထဲမှစာအုပ်ကို သဲသဲမဲမဲ ငုံ့ဖတ်နေသည်။
ဟယ်...ငါ့ဒူးခေါင်းပွန်းသွားပြီ...နာလိုက်တာ...
အငယ်မလေးက ငိုသံပါနှင့်ပြောနေသည်။