နည်းပညာ

လူပျံတော်ဝတ်စုံတွေဆိုတာ အရင်တုန်းကတော့ တကယ့်ကိုစိတ်ကူးယဉ်သက်သက်ပါ။ အခုတော့  စိတ်ကူး ယဉ်မဟုတ်တော့ဘဲ  တကယ်လက်တွေ့အခြေအနေကို  ရောက်ရှိလာပါပြီ။

ဒီလိုစိတ်ကူးတွေကို အကောင်အထည်ဖော်ပေးလိုက်တာက BMW ရယ်၊ Designworks ရယ်၊ ဝေဟင်စွန့်ဦး တီထွင်ကစားသမား ပီတာဆော့စမန်းတို့ပါပဲ။

ကျန်တဲ့သူတွေက ဝတ်စုံကိုတီထွင်ပြီး BMW ကတော့ အရှိန်မြင့်ပျံသန်းနိုင်စေမယ့် စက်ကို တီထွင်ပါတယ်။ ပြီးတဲ့အခါ သူတို့ကို ပေါင်းစပ်လိုက်ချိန်မှာတော့ တစ်နာရီ ၁၈၅ မိုင်နှုန်းနဲ့ပျံသန်းနိုင်စေမယ့် ပျံသန်းရေး ဝတ်စုံ ထွက်ပေါ်လာတာပဲဖြစ်ပါတယ်။

အသံတွေကိုထုတ်ပေးတဲ့ လျှပ်စစ်ပစ္စည်းတစ်ခုခုကနေ ထွက်တဲ့အသံကို နားထောင်ချင်ရင် အရင်က ကြိုးပါ တဲ့နားကြပ်တွေကို အသုံးပြုကြပါတယ်။ နောက်ပိုင်းမှာ ကြိုးမဲ့နားကြပ်တွေကို အသုံးပြုလာပါတယ်။

ဒါပေမဲ့ အခုတော့ အဲဒါထက်ပိုပြီး အဆင့်မြင့်လာပြီလို့ ဆိုရပါတော့မယ်။ ဘာကြောင့်လဲဆိုရင် နားကြပ်ပါ မလိုတော့ဘဲ နားထဲအရောက်အသံပို့ပေးမယ့် စနစ်တစ်ခုထွက်ပေါ်လာလို့ပါ။

Lenovo ကထုတ်တဲ့ Legion Pro ဆိုတာက ဂိမ်းသမားတွေ စိတ်ကြိုက်တွေ့စေမယ့် ဖုန်းတစ်လုံးပါ။  ဇူလိုင် ၃ဝ ရက် တုန်းက  ထွက်ထားတာဖြစ်ပါတယ်။

အခုထပ်မံပြီး အဲဒီဖုန်း အမျိုးအစားကိုပဲ ဂိမ်းသမားတွေ စိတ်ကြိုက်ပုံစံ တစ်မျိုးနဲ့ အထူးထုတ်လုပ်ပေးလိုက်ပြန်ပါပြီ။ အထူးထုတ်မှာ ပြောင်းလဲသွားတာကတော့ အတွင်းပိုင်းကိုဖောက်ထွင်းမြင်ရတဲ့ ပုံစံပါပဲ။

ဖုန်းရဲ့ကျောဘက်အလယ်မှာ အင်္ဂလိပ်အက္ခရာ X ပုံစံဖော်ပေးထားပါတယ်။ အဲဒီပုံစံနေရာကနေပဲ  ဖုန်းရဲ့အတွင်းပိုင်းကို ဖောက်ထွင်းမြင်နိုင်အောင် လုပ်ပေးထားတာပါ။ အစွန်နှစ်ဖက်ကိုတော့ အလုံပိတ်ထားပါတယ်။

Acer Halo စမတ်စပီကာတဲ့။ ပုံစံလေးကတော့ သေးသေးလေးပါပဲ။ ဒါပေမဲ့သူ့ရဲ့ အရည်အချင်းကိုတော့ လျှော့တွက်လို့မရပါဘူး။ ဘာကြောင့်လဲဆိုတော့  ၃၆ဝ ဒီဂရီ ပတ်လည်အသံ ထုတ်ပေးနိုင်တဲ့အတွက် ခန်းလုံးပြည့် အသံထွက်စနစ်ကို ရရှိစေလို့ပဲဖြစ်ပါတယ်။

စမတ်စပီကာဆိုတဲ့အတိုင်း  ဂူဂဲလက်ထောက်နဲ့လည်း ချိတ်ဆက် အသုံးပြုနိုင်တာကြောင့်  စမတ်ဖြစ်တဲ့ အိမ်အတွက်တော့ ပြည့်စုံစေမှာ အမှန်ပါပဲ။

သူ့မှာ မိုက်ခရိုဖုန်းနှစ်လုံး တပ်ပေးထားတယ်။ တစ်ခုနဲ့တစ်ခုက ကျောချင်း ကပ်ထားတာပါ။ ဒီအတွက်ကြောင့် အသုံးပြု သူက သူ့ကိုစကားပြောတာလား၊ ပတ်ဝန်းကျင်ရဲ့ဆူညံသံလား ဆိုတာကို ခွဲခြားသိရှိနိုင်ပြီး စိတ်ကျေနပ်မှု အပြည့်ပေးနိုင်မယ်လို့ဆိုပါတယ်။

ဒူဘိုင်း၊ ပြည်တွင်းရေး

အာရပ်စော်ဘွားများနိုင်ငံက ကမ္ဘာ့ကုန်စည်ပြပွဲကို အိမ်ရှင်အဖြစ် လက်ခံကျင်းပရန်ပြင်ဆင်နေစဉ် ဒူဘိုင်းမြို့ တွင် လုံခြုံရေးတိုးမြှင့်သည့်အနေဖြင့် ပို့ဆောင်ရေးကဏ္ဍ၌ မျက်နှာမှတ်သားသိရှိမှုစနစ်ကိုစတင် အကောင် အထည်ဖော်နေကြောင်း တာဝန်ရှိသူများက အောက်တိုဘာ ၂၅ ရက်တွင် ပြောသည်။

ဟယ်ဆင်ကီ၊ နည်းပညာ

ဖင်လန်နိုင်ငံအခြေစိုက် နိုကီယာကုမ္ပဏီသည် လပေါ်၌ပထမဆုံးဆယ်လူလာ ကွန်ရက်တစ်ခုတည်ဆောက်ခွင့် ကို အမေရိကန် အာကာသအေဂျင်စီထံမှရရှိကြောင်း အဆိုပါကုမ္ပဏီက အောက်တိုဘာ ၁၉ ရက်တွင် ပြောသည်။

အဆိုပါ ဆယ်လူလာကွန်ရက် တည်ဆောက်မှုသည် ၂၀၂၄ ခုနှစ်တွင် လပေါ်သို့ လူသားများ ပြန်လည်စေလွှတ် ကာ ထိုနေရာ၌ ရေရှည်အခြေချစခန်းများ တည်ဆောက်မည့် အမေရိကန်အာကာသအေဂျင်စီ၏ ဆောင်ရွက် ချက်များအနက် တစ်ခုအပါအဝင်ဖြစ်သည်။

ဒီကနေ့ခေတ်မှာတော့ မမ်မိုရီကတ်အရွယ်အစားအပြည့် ထည့်စိုက်နိုင်တဲ့ စက်ပစ္စည်းတွေရှားပါးလာပါ ပြီ။ ဒါပေမဲ့ ပရော်ဖက်ရှင်နယ်ကင်မရာတွေမှာတော့ ပါဝင်နေပါသေးတယ်။ တကယ်လို့သာ ဒီလိုကင်မရာတွေ ပိုင်ဆိုင်ထားတယ်ဆိုရင်တော့ အချက်အလက်တွေထည့်သွင်းရာမှာ လျင်မြန်မှုရှိပြီး တကယ်ကို ရေရှည် အသုံးခံတဲ့ မမ်မိုရီကတ်တွေ လိုအပ်မှာပါ။

ဒီလိုအပ်ချက်တွေကို ဖြည့်ဆည်းပေးဖို့အတွက် ဆမ်ဆောင်းက မမ်မိုရီကတ်နှစ်မျိုးကို ထုတ်လုပ်လိုက်ပါ တယ်။ အဲဒီနှစ်မျိုးကတော့ EVO Plus နဲ့ PRO Plus တို့ပါပဲ။ နှစ်မျိုးစလုံးကတော့ 32GB ကနေ 256GB အထိရှိပါတယ်။

ယနေ့ခေတ်မှာ လူအများအပြားက နေအိမ်တွေ၊ အဆောက်အအုံတွေ လုံခြုံရေးအတွက် တစ်နေရာတည်းမှာပဲ အသေတပ်ဆင်ထားတဲ့ လုံခြုံရေးကင်မရာတွေကိုသာ အသုံးပြုကြပါတယ်။ ဒါကိုတစ်ခေတ်ဆန်းသစ်လိုက် တာကတော့ Ring Always Home Cam လုံခြုံရေး ဒရုန်းကင်မရာပါပဲ။

စမတ်ဖြစ်တဲ့ အိမ်တစ်လုံးဖြစ်ဖို့အတွက် လုပ်ဆောင်ချက်တချို့ကို အသံနဲ့ခိုင်းစေနိုင်မှုကလည်း မရှိမဖြစ်ပါ ဝင်ပါတယ်။ ဒီလိုအပ်မှုအတွက် အခုနောက်ဆုံး ဖြည့်ဆည်းပေးမှာက Apple Home Pod ပါပဲ။

Apple ဟာ အောက်တိုဘာ ၁၃ ရက်မှာ သူတို့ရဲ့ထုတ်ကုန်တွေဖြစ်တဲ့ Home Pod Mini နဲ့ iPhone တွေကို ကြေညာသွားပါတယ်။ Apple Home Pod Mini ဟာ S5 chip ကိုအသုံးပြုထားတဲ့အတွက် ကိုယ့်ရဲ့ သီချင်း သံတွေဟာ အပြောင်းအလဲမရှိ တစ်သမတ်တည်းဖြစ်နေစေဖို့ ၃၆၀ ဒီဂရီပတ်လည် အသံထွက် စနစ်ကို ထောက်ပံ့ပေးမှာပါ။

အင်တာနက်ရှာဖွေရေး ဂုရုကြီးဖြစ်တဲ့ Google ဟာ သူတို့ရဲ့ရှာဖွေရေး အင်ဂျင်လုပ်ဆောင်ချက်ထဲမှာ နောက်တစ်မျိုးကို ထပ်မံထည့်သွင်းလိုက်ပါပြီ။ အဲဒီလုပ်ဆောင်ချက်ကတော့ ကိုယ်သိချင်တဲ့ သီချင်းရဲ့သံစဉ် ကိုညည်းလိုက်ရုံနဲ့ ဒါမှမဟုတ် လေချွန်လိုက်ရုံနဲ့ သီချင်းအပြည့်အစုံကို ရှာဖွေပေးတဲ့လုပ်ဆောင်ချက်ပါ။

ဒီလုပ်ဆောင်ချက်ကိုအသုံးပြုဖို့အတွက် အရင်ဆုံးလုပ်ရမှာက What is this song? ဆိုပြီး အသံထွက်မေး ရပါမယ်။ ပြီးတဲ့အခါ သီချင်းရဲ့သံစဉ်ကိုညည်းပြရပါမယ်။ ဒါမှမဟုတ် လေချွန်ပြရပါမယ်။ ကိုယ့်ဘက်က  သီချင်းညည်းတဲ့အခါ သံစဉ်ကို  ပီပီပြင်ပြင်နဲ့ ညည်းပြဖို့တော့လိုတာပေါ့။